الشواذ جنسيا حول العالم ... بس هما شواذ ولا مثليين
مجله النيوز ويك الامريكيه إختارت ان يكون ملفها المصور للاسبوع الحالي عن أحوال و أخبار الشواذ حوالين العالم و يا تري هما فين مقبولين و فين مرفوضين و الحقيقه موضوع الشذوذ الجنسي موضوع يمكن بقينا نفكر فيه أكتر مع بدايات سنه 2000 مع الانترنت و المواقع الإباحيه و نجاح روايات أدبيه كان من ضمن أحداثها ممارسه الشذوذ الجنسي زي عمارة يعقوبيان و بنات الرياض وغيرها و الحوارات بيبقي أغلبها حولين ايه هو الموقف الصحيح من الشواذ جنسيا و في هذا تعددت الاراء فرأي بيقول نقتلهم و راي اخر بيقول ان ده يعتبر مرض نفسي او عضوي و يحتاج صاحبه للعلاج و ليس العقاب و حل ثالث بيقول ان الشذوذ الجنسي حق من حقوق الانسان بل ان صاحب الرأي ده بيعترض علي كلمه شذوذ و بيستبدلها بكلمه مثليه جنسيه و جوه الرأي ده في مستويات اعلاها هو المطالبه بحق الشواذ تسجيل عقود زواج و ان يكون معترف بهم في البناء الإجتماعي ، النماذج الثلاثه طبقت في كثير من الدول لكن مصر و بحكمه الدوله اللي عمرها 7000 سنه قررت إن الموضوع ده زي مواضيع كتير يتساب متعلق زي الست اللي لا مطلقه و لا متجوزه ،ايه موقف مصر الرسمي من الشذوذ الجنسي ؟ في الواقع و علي حسب تقرير النيوز ويك الشذوذ الجنسي سلوك غير معرف ولا مجرم في القوانين المصريه لكنه يعاقب عليه في حاله القبض علي مرتكبيه بتهمة إرتكاب فعل فاضح و منافي للأخلاق العامه و يذكر التقرير قضيه شهيره اسمها قضيه القاهرة 52 ودي قضيه إتقبض فيها علي 52 شخص كانوا عاملين حفله شواذ علي مركب اسمها كوين بوت علي النيل حسب تقارير الشرطه و حكم علي المتهمين بعقوبات متفاوته بين خمس سنوات مع الاشغال الشاقه و ثلاث سنوات ثم خففت العقوبات في قضيه اتارت ضجه عالميه يمكن لم يوازيها اهتمام مصري بنفس المستوي ، السؤال دلوقتي هل الافضل ان احنا نسيب الموضوع ده علي حالته منبوذ إجتماعيا و دينيا و اخلاقيا من المجتمع و مرفوض قانونيا بشكل غير مباشر ولا يكون فيه موقف مختلف و إعتبار ده مثلا مرض و يكون الموقف هو إيداع اصحاب هذه الحالات مصحات للعلاج مثلا ده موضوع يحتاج الي بحث و دراسه لعلاج المشكله و عدم تركها هائمه علي وجهها في عالم بتحصل في تحولات إتجاه الموضوع ، فممكن تكون نتيجه السكوت إن سعاد تتجوز سوسن و مدحت يتجوز شلاطه
الي ملف النيوز ويك
الصوره الاولي لحفل زفاف عروستين بنات لبعض في بكين "سحاقيات"في وسط مهرجان لدعم حقوق الشواذ في 2009 كان من المعد ان يستمر المهرجان لمده أسبوع لكن بسبب تضيق السلطات لم يستمر لاكثر من يوم واحد
مئات من النشطاء الشواذ قاموا بعمل مسيره لاول مره في نيودلهي منادين بوقف الهند لمنع الشذوذ الجنسي في يونيو 2008
صوره سيده روسيه تعترض أحد المتظاهرين الروس المطالبين بحقوق الشواذ في روسيا
عرض للشواذ في جنوب أفريقيا في كيب تاون في مسيره سنويه لهم
زواج لاتنين رجاله في مكسيكو سيتي
ده فنان من جاميكا بيغني ريجي زي بوب مارلي و بيعتبروه الشواذ من اعدائهم لانه بيغني أغني بتطالب بحرق الشواذ
راجلين بيرقصوا تانجوا في الارجنتين في احد انديه الشواذ
دولم بقي شوي رجاله و ستات الرجاله بيحبوا بعض و عايزين يتجوزوا بعض و الستات كذلك و الكلام ده في هولندا اللي بتعتبر اول دوله في العالم توافق رسميا على زواج الشواذ سنه 2001 و جت بعدها بلجيكا علشان تبقي التانيه
دي بقي رقاصه راجل اسمه او اسمها امبيروا ،بتستعد للرقص في حانه في هافانا بكوبا
دي صوره للمتهمين في قضية الباخرة كوين بوت و هما مغطيين وشهم وهما داخلين المحكمه
و دي صوره باخره كوين بوت شخصيا
دي صورة الكس او مصور فوتغرافي سنغافوري بيعمل معارض للمطالبه بتقبل الشواذ في المجتمع
رابط الموضوع علي مجله بحلقه
Wapher
del.icio.us
عندما أعرف من أكون سأقول لكم
