المتمرد

حوار مع الفنان الشعبي الشيخ زين محمود

Sat, 31 Oct 2009 16:59:52 +0100

عندما يتحدث الشيخ زين

إذا جربت أن تبحث عن أغاني أو أناشيد الشيخ زين محمود، فتقريباً لن تجد إلا أغنيته الشهيرة "يبكي ويضحك" التي غناها في فيلم (باب الشمس) قبل 5 سنوات من الآن..

أما إذا جربت أن تبحث له عن حوار أو تصريح، فلن تجد أي نتيجة ستظهر لك في محركات البحث ولا حتى في الجرائد المصرية، رغم شهرة الشيخ زين وروعة صوته وجمال أدائه وشهرته في إنشاد السيرة الهلالية.

قد تكون رأيت شكله مرة أو رأيت صوره مرتين، وربما رأيت كليب أغنية "يبكى ويضحك" التي جاءت بفيلم باب الشمس، فالأغنية اشتهرت قبل مشاهدة الناس للفيلم

ساعتها سأل الناس: من هو صاحب الصوت؟ ورغم مرور السنوات لم يكلف أحد خاطره ليعرف الشيخ زين عن قرب.

قدراً، تواصلت مع الشيخ زين على الفيس بوك وسألته لماذا يغيب عن الساحة رغم أننا نسمع أناشيده في بعض المنتديات الثقافية مع فريق (الورشة)، فقال لي أنه يعيش في فرنسا ولا يحضر إلى القاهرة إلا قليلا. فهو يقضي رمضان فقط بمصر وبقية العام في باريس. وعدنى بأننا سنلتقي عند نزوله إلى القاهرة، وبالفعل قابلته وكان لى معه هذا الحوار.

* من هو الشيخ زين، وكيف بدأ الإنشاد والغناء؟
- دعني أدخل في صلب الموضوع مباشرة، فمن خلال مشواري ستعرف شخصيتي، فبدايتي كانت بتلاوة القرآن الكريم، وساعتها كنت أشعر أن لدي ما أقدمه في عالم الإنشاد والغناء. ولكن ولأنني منضم للطريقة الشاذلية في بلدنا بني مزار في المنيا، لم يكن يصح أن أغني أو حتى أنشد. لكن حدث تغير في حياتى سنة 1992، وكان عمري وقتها 24 سنة.

هذا التحول حدث عندما استعانت بي فرقة مسرحية كمنشد ديني في مسرحية "تغريبة عبد الرزاق" التي عرضت في قصر ثقافة بني مزار. وشاءت الأقدار أن يكون حسن الجريتلي مدير فرقة الورشة حاضراً في العرض، فشاهدني وعرض علي أن أذهب معه القاهرة لكي أتعلم الغناء، ورواية السيرة والموال.

سافرنا إلى الأقصر عدة مرات لزيارة آخر شعراء السيرة الهلالية (سيد الضوى) لأتعلم منه رواية السيرة الهلالية، وبالفعل أصبحت عضواً في فرقة الورشة ومدرب للغناء الشعبى.

* لكن أغنية فيلم "باب الشمس" كانت بدايتك الحقيقية، أليس كذلك؟
- نعم أعترف بذلك. فأنا أتذكر حينما لحن "تامر كروان" الأغنية، أنه قال أن كان يتمنى أن النقشبندي –رحمه الله- هو الذي يغني هذه الأغنية، فأخذ يبحث عن منشد يقوم بالغناء، فتحدث إلي وقال أنه كان يحضر حفلاتي، وطلبني أن أحضر إلى الأستوديو، فشاهدت لقطة من فيلم (باب الشمس) سوف تظهر على خلفياتها الأغنية، فشحنني المشهد بقوة، فقمت بغناء "يبكي ويضحك" بحماس كبير وهو ما ساعد على شهرة الأغنية.

* هناك اختلاف كبير بين صوت الشيخ زين في "يبكى ويضحك" عن صوته في أي موال أو إنشاد؟
- أي فنان بداخله مخزون به مشاعر مختلفة من الحزن والفرح والغضب، كل حالة من هذه الحالات تظهر مع حالة الأغنية. ولذلك أختلف أدائي في "يبكي ويضحك" عما تلاه من أعمال.

* أنت من أشهر منشدي السيرة الهلالية، ففي أي حالة مزاجية تكون عند روايتها؟
- جمال السيرة الهلالية أنها حدوتة متنوعة فيها اختلاف وتنوع في المشاعر. فيها حالات حزن وشجن وحالات فرح وضحك وحالات غضب تندمج كلها لتحكي عن حياة ناس مكتوبة في مليون بيت.

* لماذا تعتبر السيرة الهلالية هي الأوسع انتشارا بين بقية السير الشعبية؟
- لاننا عندما نحكيها نشعر معها أننا نروي قصة الإنسانية، فهي قصص تتكرر كل يوم في كل مكان وزمان، وهذا كما قلت هو سر جمالها.

* ما هي أهم المشاكل التي تواجه الفن الشعبي وتمنعه من الانتشار؟
- لا مكان للفن الشعبي في مصر، والسبب أنهم يقولون أن "الجمهور مش عايز كده"، لكن هناك منطق في الصوفية يقول: "من ذاق عرف"، ونعتقد لو ذاق الجمهور الفن الشعبي الحقيقي سيعرف قيمته، لكن للأسف لا اهتمام ولا دعاية ولا منتجين ولا مسارح تقبل الفن الشعبي، فضلاً عن أن العاملين في الفنون الشعبية يتركونها ويذهبون للفنون الأخرى مثل الأغنية الشبابية، وهذا ما جعلني أقيم بفرنسا.

* فرنسا؟
- نعم، أولاً أنا متزوج من فنانة إسبانية كانت تتدرب معنا في فرقة الورشة هنا في مصر. كما أنني أدير ستوديو في مارسيليا وكذلك مدرسة تدريب على الغناء الشعبي، كما أن لدي فرقة اسمها "زمان فابريك" نقوم فيها بالدمج بين الموسيقى الشرقية والغربية، ونصنع فيها حالة فنية جديدة جداً محققة نجاحاً كبيراً في فرنسا وأنا أتمنى أن أظهر بهذه الحالة بمصر التي لا أعود إليها إلا قليلاً.

* ما سبب عدم تواجدك في مصر إلا على فترات قليلة؟
- كما قلت لك أنا حاليا مرتبط بالفريق في فرنسا، وبمدرسة التدريب الموسيقي، هذا غير مواعيد حفلات الفرقة؛ لأن هناك في فرنسا اهتمام كبير بالفن الشعبي على عكس هنا للأسف، فأي فنان يبحث عمن يسمع صوته، فجمهوري في فرنسا أكبر بكثير من جمهوري بمصر. لكن هذا لا يمنع أنني أساهم هنا في مصر مع فرقة الورشة. لكن للأسف لا نؤدي أي حفلات إلا في رمضان، وحتى هذه الحفلات قل عددها داخل مصر، من 17 حفلة في رمضان 2007، إلى 5 حفلات في 2009، أليس هذا سبباً لأي فنان أن يرحل خارج وطنه.

* ليس هذا سبباً كافياً للتواجد خارج مصر.
- لعلمك.. هناك عدد كبير جداً من فناني الفولكلور المصري متواجدين في أوروبا لأنهم يعلمون أن بلدهم لا تتسع لهم. يمكنك القول أن 100 من أفضل الفنانين الشعبيين بمصر متواجدين خارجها.

أقابل عشرات منهم في مهرجانات تقام في أوروبا، يحكون لي عن نفس الشكوى. في مصر مثلا لن تجد سوى فرقة المولاوية التى تقدم الفن الصوفي الحقيقي. وبقيتهم خارج مصر.. "حاجة تحزن بجد، المفروض إن بلدنا أولى بينا".

* هل يوجد حل من وجهة نظرك لهذه الأزمة؟
- طبعا، الاهتمام بالفرق التي تقدم التراث الشعبي المصري الذي يمثل جذور البلد وأصولها ودعم هذه الفرق، وتدريبها مع تكوين فرق جديدة. أنا أتمنى أن أجد جهة تساعدني لكي أستمر في مصر 6 شهور كاملة لكي أعد برنامجاً لتدريب الموهوبين. يمكنني أن أخرج لك بـ6 أو 10 فرق فن شعبي وفرق إنشاد سيرة هلالية. الأمر ليس مكلفاً بمقدار أهميته في حفظ تراثنا الشعبي.

* سمعنا أن لك أسطوانة في فرنسا.. هل سنسمع قريبا شريط في مصر للشيخ زين محمود؟
- بالفعل لدي أسطوانة في فرنسا من إنتاج "معهد العالم العربي في باريس"، ولكن هذه الأسطوانة ليست منتشرة، بعد أن نفذت من الأسواق. لكن إن شاء الله سيطرح شريط جديد بمصر خلال الفترة القادمة سيكون من إنتاج فرقة الورشة

شاهد فيديوهات للشيخ زين.

رابط الحوار على موقع عشرينات

http://www.20at.com/masr/hewarat/13856-2009-10-28-16-32-12.html

Comments

قطع الكهرباء عن المسرح و منع فريق وسط البلد من الغناء

Tue, 27 Oct 2009 11:08:09 +0100

يوم السبت 24 اكتوبر عند الأهرامات كان يوم مختلف لانه كان موعد " السباق المصرى من أجل الشفاء" الذى تقيمه الجمعية المصرية لمكافحة سرطان الثدى بالتعاون مع مجموعة كبيرة جدا من الرعاة و المشاركين في التنظيم ،فكرة السباق هى عمل توعية من خلال حدث كبير يشارك فيه عدد كبير من الناس عند مكان تاريخي مهم يعد من أهم الأماكن التاريخية في العالم ، لكن للأسف الشديد حدثت الكثير من المشكلات في السباق كان أبرزها و الذى ختم اليوم بنهاية حزينة هو قطع الكهرباء عن مسرح الصوت و الضوء بسفح الأهرامات و منع فرقة وسط البلد من تقديم الفقرة الثانية من فقرات الإحتفال باليوم مما أصاب الحضور و على رأسهم المهندس محمد الصاوى مدير و مؤسس ساقية عبد المنعم الصاوى و أحد المنظمين للإحتفالية بحالة إحباط شديد من الموقف المخجل الذي تواجهه إحتفالية عالمية يشارك فيها أفراد و مؤسسات من خارج مصر اما السبب الذي بلغه أمن المكان للمهندس محمد الصاوى قبل قطع الكهرباء ،هو إن دكتور زاهى حواس يسجل برنامج و ان صوت الحفله "بيزعجه" ، و هذا رغم إن إحتفالية كبيره من هذا النوع من المؤكد إنها معد لها سلفا من شهور ، و قد قال المهندس محمد الصاوى إن أغلب الإتفاقات التى عقدت مع كثير من الجهات لم تنفذ ،فمثلا كان من ضمن الإتفاق ان لا يتم السماح لدخول السيارات و الباصات على طريق السباق لكن للأسف سمح المرور بالدخول إلى طريق السباق الذى كان شبه مسدود في بعض نقاطه من الباصات السياحية و عندما سألناه عن إذا كان اتصل بدكتور زاهى حواس قال : للأسف مش بيرد علينا ، تقريبا قدامنا كتير على بال ما نقدر ننظم حدث زى ده بالشكل المناسب . أما "هانى عادل" أحد أعضاء فرقة وسط البلد فقال على المسرح للجمهور : إنه حابب يشكر الجمهور و بيشكر كمان دكتور زاهى حواس و المجلس الأعلى للاثار لانهم بيقدروا الفن و الموسيقى و بيقطعوا الكهربا عن المسرح علشان الدكتور زاهى بيسجل برنامج عن قصة حياته

فيديو للمهندس محمد الصاوى و هانى عادل وهما بيشرحوا المشكلة

البوم صـــور اليوم

محمد الصاوي يتم تبليغه بقطع الكهرباء عن المسرح

ثلاجات المياه الفارغه

صور من بداية السباق

الفقرة الأولى في الإحتفالية Riff Band

مسرح الصوت و الضوء

رابط الموضوع فى مجله بحلقة

http://b7l2a.net/a5bar/1420.html

Comments

عبد المنعم ابو الفتوح و نجيب محفوظ "صورة عجبتنى"

Fri, 23 Oct 2009 00:34:12 +0100

الصورة منشوره على موقع د .عبد المنعم أبو الفتوح

http://www.abolfotoh.net/

رئيس إتحاد الأطباء العرب و عضو جماعة الأخوان المسلمين

الموجود بالسجن حاليا لتهمة لا أعرفها و تقريبا لا أحد يعرفها

و بغض النظر عن اى شئ و كل شئ انا معجب جدا بالصورة

مصر ممكن تكون جميله جدا لو قعدنا مع بعض و حاولنا

نفهم بعض و نسامح بعض

Comments

الحملة المصرية ضد التوريث بتقول ما يحكمش

Fri, 16 Oct 2009 16:01:17 +0100

من 28 سنة و تحديدا يوم 14 أكتوبر1981 وقف الرئيس مبارك يلقى خطابه الأول أمام
مجلسى الشعب و الشورى و يلقى اليمين الدستورية , طبعا أغلبية الشعب المصري
اللى هما من الشباب تحت ال30 سنة اما ماشافوش اليوم ده او ميوعوش
عليه لكن يقال حسب كتاب صحفيين عاشوا اليوم ده و سمعوا الخطبه دي ان
الرئيس مبارك قال انه كان بيفكر فى اعتزال العمل السياسي و التوقف عند منصب
نائب رئيس الجمهورية و انه لن يجلس اكثر من مدة واحدة و رغم ذلك فإن هذا لم يحدث
حيث أن الفترة الحالية هى الفترة الخامسة لرئيس مبارك على كرسي رئاسة الجمهورية .

رأت قوى المعارضة إن اليوم يستحق الإحتفاء به بطريقة تناسبة و بالتالى قررت
تشكيل كيان اسمه "الحملة المصرية ضد التوريث" لمواجهة خطة انتقال حكم مصر
من مبارك الأب إلى مبارك الإبن و ان تكون هناك فى 2011 إنتخابات حقيقية ينتقل
فيها الحكم إلى الشعب المصرى من خلال إختيار ممثل لهم في إنتخابات حرة نزيهة

الدعوة للمؤتمر التأسيسى للحملة كانت من حزب الغد بزعامة أيمن نور وحضر
المؤتمر ممثلين لأغلب التيارات السياسية و الفكرية المعارضة ، الأخوان المسلمين
، حزب الكرامة، حزب العمل ، الحزب الشيوعى المصرى، حركة كفاية ،
حركة شباب 6 أبريل ، حركة لا لبيع مصر ، حزب الجبهة و حزب الإصلاح و التنمية ،
و حضر المؤتمر كذلك عدد من المثقفين و النقابيين و الحقوقيين.

برقيات الدعم

أعلن د.أيمن نور عن وصول أكثر من 10000 برقية دعم للمؤتمر خلال لحظات إنعقاده
و كان من أبرز برقيات الدعم برقيات من المعارضين المصريين القابعين داخل السجون
مثل د.جمال حشمت النائب البرلمانى الإخواني في دورة مجلس الشعب السابقة
و الكاتب و الناشط السيناوى مسعد ابو فجر

و كذلك برقيات من مثقفين مصريين مثل سكينة فؤاد و أسامة أنور عكاشة و د.علاء الأسوانى
و السفير إبراهيم يسرى

محطة تلفزيون على الإنترنت ضد التوريث

من الأفكار المبتكرة التى أعلنت اثناء المؤتمر إنشاء محطة تلفزيون على الإنترنت تعمل ل6 ساعات
يوميا ضد التوريث على شبكة الإنترنت على موقع

www.did-eltawrees.tv:

د.حسن نافعة منسقا للحملة

أختار أعضاء الحملة د.حسن نفعة كرئيس للحملة و هو أكاديمى بارز و له مقالات
مهمة فى موضوع التوريث و من أبرز ما قال د. نفعة في كلمته فى المؤتمر و التى
وقف كل أعضاء الحملة بجواره و هو يقولها : "إن الحملة ليست موجهة ضد شخص بعينه
و لكنها موجهة ضد فكرة و نظام سياسي متخلف و هو المتسبب في تخلفنا في كل
المجالات التنموية و بالتالى فإن من حق الشعب المصرى ان يختار نظام سياسي أفضل و
أضاف ان هذه القضية ليست قضية القوى السياسية فقط و لكنها قضية الشعب المصري
كله و بالتالى فان المشتركين في الحملة ليسوا كل الشعب المصرى و ان كافة القوى
السياسية و الفكرية و الثقافية و قال انه يتصور مدي صعوبة و خطورة المهمة التى تنتظر
الحملة و انه يرجوا ان يكون هذا الشعور بخطورة اللحظة ان يبعد كل أعضاء الحملة عن الإختلاف
السياسي و ان الموضوع ليس تنافس على ادوار أو ميكرفونات و انه شخصيا لا يطمع فى اى منصب
سياسي و لكنه مستعد للعب اى دور يساهم في تحسين الاوضاع السياسية

البوم الصور

الموضوع منشور فى مجلى بحلقة على الرابط التالى :

http://b7l2a.net/nezam/1391.html

Comments

"ندا" شهيدة الإصلاحيين في أيران رمز يحلق في سماء الإنترنت"

Tue, 23 Jun 2009 14:28:20 +0100

من المؤكد إن "ندا سلطان" دارسة الفلسفة بنت ال 26 ربيعا لم تكن تتصور عندما قررت ان
تنزل للشارع في مظاهرة مع والدها للمطالبه بإعاده الإنتخابات التى تشك في تزويرها في ايران
انها ستنال رصاصه في القلب أغلب الظن إنها من أتباع خصومها السياسيين

ليلتقط زميل لها آخر 40 ثانيه من عمرها على كاميرا الموبايل التى أصبحت وسيلة
تسجيل الأحداث الوحيده بعد ما منعت السلطات كل القنوات من التصوير في الشارع
و كانت لحظات مريعه تلك التى صورت لها وهى تنزف من فمها و أنفها مما أدي
لتغطيه وجهها و عينيها بالدماء وسط صرخات أبيها و الطبيب الذي كان يحاول مساعدتها .

الموضوع لم ينتهى حياة ندا و رسالتها لم تنتهى بعد وفاتها لانه بعد لحظات قليلة رفع
المصور المجهول هذا الفيديو على موقع اليوتيوب حتى يشاهده الملايين حول العالم.

تأثير "ندا" كان ساحرا ففي ساعات قليلة كانت أغلب الصحف العالمية تكتب عن ندا
و تنشر الفيديو ، ملايين حولوا صورتهم على الشبكات الإجتماعية الى صورة ندا
مثل الفيس بوك و التويتر و هى أسلحه النشطاء الشباب في إيران
بل و في العالم اليوم ضد التعتيم و كتم الأصوات من قبل أي سلطه في العالم تريد
قهر شعوبها او إرتكاب جرائم في حقهم و التعتيم عليها .

و من ضمن الشواهد على مدى التأثير السريع لحادثة وفاة "ندا" ظهور مقالات
عنها ب 11 لغه مختلفة على الموسوعة العالمية الويكيبيديا منهم اللغة العربية

و كذلك ردة الفعل السريعة للكاتب العالمى البرازيلى باولو كويلو الذي كتب
في مدونته الشخصية 4 سطور تحت لقطه الفيديو التى تصور وفاتها قال فيها
: إن أهم أصدقائي في إيران طبيب و هو الذي عرفنى بثقافتها الجميله
عندما زرت طهران سنة 2000 و قد حارب صديقى من أجل الجمهورية الإسلامية
ضد العراق و وقف في الخطوط الأمامية ليضمد جراح الجنود ، كان يؤدي مهمته
من خلال قيم إنسانية بحته ، تشاهدونه الان في هذا المشهد يحاول إنقاذ ندا
التى ضربت بالرصاص في قلبها.

بهذه السطور البسيطه التى لاتظهر التحيز لاى طرف سياسي في المعركه
و لكن التحيز للإنسانية تحدث باولو كويلو عن ندا .

ندا ستعيش مع نشطاء الإنترنت طويلا ستكون قصه مؤثره بالنسبة لهم

لقد توفت ندا في نهار 20 يونيو و هزت صورتها العالم في لحظات قليله بعد وفاتها

من الصعب على أغلب مستخدمى شبكة الإنترنت المتابعين للاخبار أن تكون صورة هذه
العروس الجميله لم تمر عليهم في الساعات الأولى بعد وفاتها لقد أسرت صورتها قلوب الملايين

و رغم وفاتها فإنها ستظل ترفرف طويلا برسالتها في سماء الإنترنت .

ملاحظه مهمة : عندما نكتب عن ندا فنحن لا نحاول أن ندافع عن طرف سياسيى
ضد طرف سياسي في دولة أخرى فنحن لسنا مع المحافظين او الإصلاحيين في ايران
لان هذا شأن الإيرانيين وحدهم و لهم أن يختارو من يحكمهم و لكن اى إنسان
يجب ان يقف ضد قتل أو تعذيب أو إهانة أو منع أى إنسان يحاول ان يعبر عن
رأيه و بالتالى قتل ندا جريمه بشعة و يجب أن لا يصمت العالم عن محاسبة
القاتل.

الفيديو

اللقطه مؤثره للغاية و هي تصور لحظة وفاة ندا و موقع يوتيوب لا يسمح بمشاهدتها لمن هم اقل من 18 سنه

Comments

تغطية مصورة لخروج الطلبه من اول يوم امتحان ثانوية عامة : النحو كان صعب شوية

Mon, 15 Jun 2009 00:01:13 +0100

خرج طلاب المرحلة الثانية من الثانوية العامة من أول أيام أمتحاناتهم و كان أمتحان العربي و الدين

كما المعتاد، بدأ أمتحان العربي الساعة 9 و أنتهى الساعة 12 أما الدين فقد كان من 12.30 إلى 2.30"بحلقة" كانت موجوده

قدام لجنة مدرسة الدقي الإعدادية بنين و اللى كانت بتمتحن فيها مدرسة جمال عبد الناصر التجريبية ، و مدرسة رمسيس الخاصة ، و مدرسة العروبة الخاصة ومدرسة لاروز و المدرسة الألمانية

إنتظار اولياء الأمور

طبعا أول حاجه هتلاحظها لو مشيت في شوارع مصر النهارده عشرات الأهالى اللى متجمعين أمام اللجان و هما متوترين جدا

الأمتحانات مع الإنفلونزا

حوالى 2 % من الطلاب كانوا لابسين كمامات واقية بسبب حالة الخوف من إنتشار إنفلونزا الخنازير بس من الواضح إن الموضوع

مكنش قالق طلاب كتير

إنطلاق الطلاب خارج اللجان

ورقة الإمتحان المنتظرة

رأى الطلبة في الإمتحان

نقدر نقول إن كان في حالة من الارتياح واضحة على أغلبية الطلاب و هذا لم يمنع وجود بعض الملاحظات

-ف "محمد بهاء" من مدرسة جمال عبد الناصر قال إن النصوص كانت غير متوقعه و سؤال ج في النحو كان صعب و أسلوبه جديد

مش شائع في الإمتحانات

أما "أحمد على محمد" من مدرسة العروبة فقال ان الأسئلة جديدة لكن من جوه المنهج

فرح مصطفى: من المدرسة الألمانية قالت أغلب الاسئلة كانت متوقعة لكن الإمتحان في مجمله كان أعلى من مستوى الطالب المتوسط "محتاج مذاكرة كتير

إنجى حامد: من مدرسة رمسيس قالت "سؤال ب 2 في الأدب كان شكله جديد لم يسبق ان اتى في السنوات السابقة و النحو كان صعب و الإمتحان

كان فوق مستوى الطالب المتوسط

Comments

الشاطر "عمرو خالد" و لعبة الحياة السياسية المصرية

Fri, 12 Jun 2009 15:41:15 +0100

أي شخصية عامة ، ناس بتحبها و ناس بتكرهها ، ده العادى لكن ظهور شخصية ناجحة و كارزمية فى مصر بيكون له
حسابات تانية خالص و ده له أسباب كتير جدا منها مثلا إن مصر بطبعها الجغرافى بتحب الإستقرار حوالين نهر النيل
و الأستقرار الجغرافى ده إنعكس على الفكر و السياسة و الحركة الإجتماعية ، التغيير و التجديد في مصر بطئ و
بياخد مدة طويلة و رغم كده بيحصل إنقلاب مفاجئ بيغير الصورة فى لحظة واحدة ، مثلا "محمد على" كان إنقلاب
على مصر كذلك " الخديوى إسماعيل"و طموحاته الحضارية و التقدمية ، "ثورة 1919" و ما تلاها من إنطلاق
الحقبة الليبرالية المصرية ثم "ثورة يوليو".

فمصر قصة درامية تاريخية يشعر من يدرسها انها تعيش حالة بين الإستقرار و التغير ، استقرار طويل تغير سريع
، النسق التاريخي المصري وصل الحس الجمعى المصرى انه يأخذ بحذر أى فكرة جديدة أو شخصية ناجحة زى
"عمرو خالد"أى شخص ناجح في مصر ربما يستطيع أن يقلب الموازين في ثوانى و يغير شكل مصر رغم ان الأوضاع
العامةقد تبدوا مستقرة و لا توحى ببوادر للتغيير .

و رغم انه على المستوى الشخصي لا أفضله كمصدرللمعلومة الدينية و كذلك أشعر أحيانا إنه مبالغ في أسلوبه إذا
( عمرو خالد كرجل دين ليس المفضل بالنسبة لى ) و لكن الرجل بمضوعية نموذج للنجاح و لقدرة الفرد على التغيير
أنا أرى في "عمر خالد" انه استطاع تحقيق اللا ممكن بالتفكير خارج الصندوق فلقد تفوق على كل أساتذته و أفترب
من الناس و الشباب خاصة رغم الأسوار و السدود "من الآخر" هو رجل شاطر حرك الشباب المصرى و العربى خلاهم
ينزلوا الشارع يغيروا سلبيات مجتمعهم و يكونوا إيجابيين و غير كده ساهم في الحفاظ على الهوية الثقافية العربية
و الإسلامية فى وسط عاصفة التغريب .

"عمرو خالد" رجل طموح يستطيع أن يحدث التغيير المفاجئ الذي يحدث بعد فترات الجمود او الأستقرار
–زى ما تحب تسميها- برؤيته الخاصة التى قد نتفق أو نختلف معها . "عمرو خالد" شخص تجاوز نجاحة
الحدود ليس حدود مصر بل حدود العالم العربى ، فهو ليس متطرف دينى بل إنه أحد رموز للإسلام اللايت
أو البوب إسلام كما يسموه فى أوربا .

"عمرو خالد" أراد أم لم يرد ، كان ذلك ممكنا أو مستحيلا يستطيع- في نفس العالم الذي وصل فيه
رجل أسود إلى البيت الأبيض -الوصول إلى سدة الحكم في مصر و ان يكون منافسا قويا على مقعد
الرئاسة ,"أوباما" لم يكن الرجل المتوقع للولايات المتحدة و لكنه أستطاع . كذلك "عمرو خالد"
ليس هو الرجل المتوقع لمصر ،"أوباما" الكثير من السود المتشددين ضده عندما أتوا أمام الصندوق رشحوه
كذلك "عمرو خالد" الكثير من المتشددين السلفيين ضده لكنه يستطيع .

هذا مدخل رئيسى للأحداث الأخيرة التى حدثت و نشرت حول عمرو خالد
من إبعاده عن مصر و منعه من العمل بها أو التعامل مع الإعلام وهو ما نشر في جريدة المصرى اليوم و رد عليه
"عمروخالد" برسالة إلى "مجدى الجلاد" كانت دبلوماسية إلى حد كبير لكنها لم تنفى أو تؤكد لكنه قال إنه لم
يجبر على السفر لكنه ممنوع من العمل الإعلامى و الإجتماعى و الدينى في مصر و بالتالى "عمرو خالد" يتعرض
للتضييق و الحصار بشكل عام و الأهم من التضييق ، الإغتيال المعنوى و هي عملية أغلب
الظن تهندسها أيادى السلطة التى تريد بطبيعة الحال ان تبقي فى مكانها و ضرب أى خطر علي تغييرها

لكن كيف ؟

يجيب على هذا السؤال الإشاعة التى إنتشرت في الشارع المصري بعد
أخبار إبعاد عمرو خالد عن مصر للمرة التانية ، و هى ان كل الأسباب
التى ذكرتها المصري اليوم لإبعاد عمرو خالد عن مصر غير صحيحة
و إن السبب الحقيقي هو الحملة التى قادها شيوخ السلفية في مصر ضد
عمرو خالد -باصطياد الأخطاء له- و قد كان أبرزها الهجمة الشرسة
ضده بسبب انه قال ان الرسول في بداية الدعوة مر بتجارب فاشلة
و ان ده دليل علي بشرية الرسول و إصراره على تحقيق الهدف و النجاح
لكن بالنسبة للسلفيين كان من "الويل و الثبور و عظائم الأمور" أن يقول
ان الرسول فشل و والله الموضوع أصلا أبن وجهات نظر لكن
شيوخ السلفية زى "محمد حسان" و "أبو إسحاق الحوينى" لم تكن
نظرتهم للموضوع نظرة شخص ارتكب خطأ و يجب تصحيحه أو
الإختلاف معه لكن النبرة كانت ان هذا إنسان يجب ان ينتهى و يفقد
رصيده عند الناس

و دلوقتى في أسئلة لازم نلاقي لها إجابات يا ترى إيه سبب الحرية المتاحة
للتيار السلفى مقارنة بتيارات دينية و سياسية أخرى ؟
عدد كبير من القنوات الفضائية ، الجمعيات ، النشاط .. الخ

فيما يبدو إن نادي السلطه في مصر يحترف اللعبة جيدا و يحرك الأمور
بتوازنات محسوبة "الصوفية" ، "السلفية" ، "الاخوان" ، "الاحزاب"
حتى "عمرو خالد و الدعاة الجدد" و غيرهم ، نادى السلطه ليس في يده
تغيير افكارهم او مبادئهم لكن في يده إظهارهم و إخفائهم و بالتالى
هما بالنسبة "للسلطة" ممثلين يسمح لهم باداء أدوارهم بعض الوقت
و يمنعون من الاداء في اوقات أخرى و النتيجة ان الفيلم يصب في
مصلحة المخرج دائما حتى لو كان الممثلين لهم رؤيا أخرى .
و بالتالى نقدر نستنتج الرضا عن التيار السلفى على انه لمعادلة
نجاح و صعود الدعاة الجدد على رأسهم "عمرو خالد" اللى كان وصل لمرحلة "الخطر" من وجهة نظر "نادى السلطة" .

لكن اللعبة لا تنجح دائما و هذا ما قد تثبته الأيام القادمة مع "عمرو خالد"
حيث إنه شخص قادر دائما على التطور و الإبتكار ، يستغل أدوات العصر
بمهارة فائقة ، هو أبن عصر اصبحت فيه المسافات ليست ذات معنى.
الأخبار المتواترة بخصوص عمرو خالد تقول أنه سيبتعد عن مصر لمدة من سنتين لثلاثة سنوات
و هى سنوات شديدة الأهمية و الدلالة في الحياة السياسية المصرية حيث إنها سنين الإنتخابات
البرلمانية و الرئاسية التى من المتوقع لها أن تحمل تغييرا للواقع السياسي المصرى .

انا لست مع أو ضد عمرو خالد و لكن من الأكيد انى لست من المهووسين
به و كذلك انا لا أحب خلط السياسة بالدين و لكن أرى إن الأكثر خطورة
من خلط السياسة بالدين هي سياسة الصوت الواحد و الإبعاد السياسي
لأطراف و السماح لأطراف أخرى بدلا من فتح الساحة لجميع الاراء
و الأفكار و ليختار الجمهور ما يشاء .

Comments

المؤتمر السنوى لمركز الجيل للدراسات الشبابية

Sun, 31 May 2009 23:35:46 +0100

ندوة
مستقبل الديمقراطية في مصر

السبت 6يونيو 2009
السادسة مساء
بمركز الجيل للدراسات الشبابية
مساكن عين الصيرة خلف بلوك 141بجوار الفرن الآلي

يتشرف مركز الجيل للدراسات الشبابية والاجتماعية كما يتشرف اصدقاء الدكتور احمد عبد الله رزة بمناسبة ذكرى رحيله الثالثه بدعواتكم للمشاركة حول مستقبل الديمقراطية فى مصر.وذلك يوم السبت الموافق 6/ 6/ 2009 فى تمام الساعة السادسة بمقر المركز بمساكن عين الصيرة بجوار المخبز الالى.

البرنامج

1-افتتاح اللقاء فى تمام الساعة السادسة مساء بكلمة مركز الجيل ويلقيها الاستاذ/ عمر مرسى

2- عرض لكتاب الاجيال للدكتور احمد عبدالله يقدمه الدكتور /احمد زكى.

الجلسة الاولى 6.30الى7.30 (الشباب ومستقبل الديمقراطية)

يرأس الجلسة: الاستاذة/جيهان شعبان

المتحدثون:

الاستاذ/ذياد العليمى

الاستاذ/احمد ماهر

الاستاذ/بلال دياب

الجلسة الثانية 7.30الى8.30 (القوى السياسية ومستقبل الديمقراطية فى مصر)

يرأس الجلسة: الاستاذة/اكرام يوسف

المتحدثون:

الاستاذ الدكتور/عصام العريان

الاستاذ/حمدين صباحى

الاستاذ/صلاح عدلى

الاستاذ/تامر وجيه

استراحة لمدة 15 دقيقة

الجلسة الثالثة 8.45الى10 (حول مستقبل الديمقراطية فى مصر)

يرأس الجلسة: الاستاذ الدكتور/نادر فرجانى

المتحدثون:

الاستاذ الدكتور/ محمد ابو الغار

الاستاذ الدكتور/محمد منير مجاهد

الاستاذ/احمد الجمال

الاستاذ/ممدوح حبشى

التليفون:	23645043
المحمول:	0106814291
العنوان:	مساكن عين الصيرة خلف بلوك 141بجوار الفرن الآلي عين الصيرة

Comments

فندق المصريين .. إعلان على صندوق زبالة !!

Sat, 30 May 2009 13:59:07 +0100

Comments

حد ضحك عليا و قاللى الأبنودى ميتقريش !!

Fri, 29 May 2009 14:25:25 +0100

في يوم من الأيام سمعت كلمة و صدقتها و حاسس دلوقتى

إنى غلط غلطه كبيرة و يجب ان أعتذر عنها ،

-" اهو الرجل ده يتسمع ميتقريش"

-"مين ده ؟"

-" عبد الرحمن الأبنودى"

-" معقوله !!"

-" أنت عمرك قريته ؟"

-"لا"

- "طيب انا بقولك ، انا جيبت مختارات لأشعارة بتاعت مكتبة الأسرة ،

و معجبتنيش ولا أقولك أنا معرفتش أقراها من الأساس و أقولك

خد الكتاب ولو عرفت تقرا حاجة قوللى .... "

انا الحقيقة مصدقتش الكلام لكن نقدر نقول إن الغلطه اللى انا وقعت

فيها إن الروح السلبية اللى أتكلم بيها صديقى عن كتابات

الأبنودى فضلت متلبسانى لحد الأسبوع اللى فات لما صادفت

كتاب المختارات و انا بأعيد ترتيب المكتبة و الكتاب مطبوع

سنة 1999 يعنى نقدر نقول ان الروح السلبية دي عمرها

حوالى 8 سنين وانا عمال اروح من ديوان شعر لديوان شعر

و كل ما بقابل ديوان لعبد الرحمن الابنودى في اى مكان

باطنش و اشوف اى حاجة تانى و معرفش ليه فتحت المختارات

و لقيت اول صفحة مكتوب عليها من

ديوان "العيال و الأرض" الحقيقه أغلب

القصائد جميلة هي بتتفاوت في مستواها لكن اغلبها ممتعه و فيها

صور شعرية رائعة ، لكن في قصيدة وصلتلها و بعديها زعلت

جدا ان انا مقريتش المختارات دى من زمان و هي قصيدة

"الخواجة لامبو مات في أسبانيا"

لقيتها" رواية في قصيدة" مليانه مشاعر جبارة و صور رهيبة

عن فنان متشرد أسمه "لامبو" و كنت متصور ان "لامبو" ده

عامل زى بوب مارلى او كان حد مشهور و فوجئت إنه شخصية

من خيال الشاعر و ده زاد إعجابى بالقصيدة .

انا آسف مره تانيه لاشعار عبد الرحمن الأبنودى و علشان كده

انا رحت امبارح اشتريت مجلد مختارات عبد الرحمن الأبنودى

الكبير إصدار مكتبة الأسرة 2006

حوالى 900 صفحة اول 200 صفحة "جوابات حراجى القط"

انا عايش معاهم دلوقتى

و آدى قصيدة "الخواجة لامبو مات في أسبانيا"

الأبنودى طبعا يتشاف و يتقرى و يتسمع و هو ذو

إبداع ممتع في كل الحالات.

الخواجة لامبو العجوز

مات في اسبانيا

الضباب كان بات ليلتها ع القزاز

كانت القرية اللي مات فيها الخواجة لامبو

نايمة ع الجليد..

....................

في الصباح

اتحركت جوه المطابخ الصحون والخدامات

وابتدا الدق ف محلات الحديد ..

والمكاكية ف حظاير الدواجن ..

لبست الاطفال في ايد الامهات في غير عناد ..

«النهار ده عيد يا كاسبر

لما سمعت ندهة الديك من بعيد ..

ضحكت البنت اللي واقفة تشد في حبال الجرس جوه الكنيسة..

طالع القسيس سعيد..

بإيدو ينفض عبايتو م الجليد

كل اسبانيا بتصحى

عيد ... وعادي .. والجديد

الخواجة لامبو مات

....................

كانت القرية الي دايسه عليها اسبانيا .. ضلام من غير عيون..

فلاحين فقرا .. بلا غيط .. او كانون ..

اسبانيين بس في شهادة الميلاد ..

يندغوا الاحزان مع كاس النبيت ..

انما ..

كان فيه كمان ناس اغنيا ..

ليهم بيوت ..ليها سقوف طايلة السما..

ممتلية باللي اسبانيا فراغ منو .. ولامبو

لامبو .. كان شاعر مغني

يمشى والجيتار عشيقتو

يلمسو ..

يملا ليل اسبانيا بفصوص الاماني والاغاني البرتقاني ...

عمو لامبو قضى عمرو في الحارات والخمارات ..

كان يغني للعيال المقروضين ..

كان يغني للارامل ..

والغلابا ...

والسكارى ..

السكارى اللي يعودوا من جحيم الحر .. في المنجم

السكارى اللي المحاجر حولتهم زيها

أزمة وحجارة ..

الجيتار يعشق زحام الاسطوات ..

والاغاني بتتولد في الغلبانين والغلبانات ..

....................

عمو لامبو

قضي عمرو في الحارات والخمارات ..

كان يحب الشمس ..

والناس ..

والغيطان ..

والجيتار ..

وقطتو ..

أول الناس اللي تحفظ غنوتو ..

..................

كان يغني بألف صوت ...

.......

"يا قمر يابو عمر لسه

العباد ع الحانة كابسة..

عاوزه تنسي ..عاوزه تنسي ...

والغناي لو يسكروا

يبقى لجل يفكروا..

يسرقوا م المسروقين ؟؟... "

وجيتارو .. كان عجوز زيو تمام..

انما .. لُه في الكلام ..

.............

لامبو ما كان لوش سكن..

والحياة في قريتو مالهاش تمن..

قلب اسبانيا برونز..

قلب اسبانيا صفيح..

قلب اسبانيا عطن..

برد اسبانيا مراكب اترمت فيها القلوع..

واقفة في شطوط الزمن..

..................

كل أطفال البلد كانت تحبو

كلهم كانوا في يوم كورس للامبو

فوق جبينو...

قريتو ..كانت بترمي ضل اسبانيا الغميق..

وشو كان وش البلد

تبتسم .. يضحكلها...

تزعل القرية ..اساه يصبغ خصار ورق الشجر

.....................

كان له قطة يعزها

واما كان البرد مرة يغزها ..

لامبو يضحك لما يرفعها ف ايديه .. ويهزها ..

«ايه يا قطة ؟

يعني عيطنا أهه ..

انزلي ..

اجرى ..

حلاوتك ..يلا بينا ع العمل ..»

....................

«ياغلابا ...

سيروا في الارض العريضة ....

والسعوا النسمة بطواحين الهوا ...

فيه في قلب الظلم حتة نجمة بيضا ..

العمل مش حاجة ضايعة في الهوا..

برد اسبانيا استوى ...»

لامبو كان نشوان وكل ما فيه مغني..

وجيتارو بين ايديه..

والعباد.. منتورة زي الفحم لاسمر حواليه

الشاويش دخل عليه..

(ايه يا اسبانيا يا بطن مافيهش عيش

هس.. بس...)

الضلام اللي في اسبانيا ظهر..

برم شنابات الشاويش

الشاويش صرخ في لامبو

لامبو خبى غنوتو الحمراء في عبو..

بس ما رضيش بيجي جنبو

والفانوس اللي في سقف الحارة متعلق رعَش

الشاويش صرخ بقلبو

قلبو شايل كل دوسيهات الحكومة

"لامبو ممنوع من اغاني الفقرا

غنى غير ده..

الحكومة مش حمارة "

لامبو بص علي السكاري.

البرودة اللي في إيديهم جمدت كأس النبيت

لامبو دمَّع

الحياة .. عايزة جسارة..

والخلايق عاوزة ابطالها يكون فيها جدارة..

عايزه ابطالها في عز البرد مشحونة حرارة

الجيتارة.. واخده ع اللحن النضيف

الجيتارة..

برضو بتنام ع الرصيف

برضو بتموت زيي علشان الرغيف

بس ليل اسبانيا في الزنزانة له شكلو المخيف..

والبلاط.. والسقعة.. والعود النحيف..

لا ما غنيش للفقير .. والسجن لا..

لا أغني..

لأ ما غنيش..

بس انا راجل شريف

(ايه يا اسبانيا يا سجن في كأس نبيت...

آه.. وآه...)

لامبو من يومها وقولة آه .. غناه

قريتو لمتها آه..

آه.. وآه.. والناس ترد الآهة آه..

الكفاح الحي اصبح آه.. وآه..

ع الكفاح لو يتقلب علي شكل آه..

والنهارد ده لامبو مات..

قتلو ليل اسبانيا في الليل ع الرصيف

قلبو كان لابس خفيف

قتلتو الآه..

قتلتو في الحانة شنبات الشاويش..

قتلتو الناس اللي غرقانة بهمومها في النبيت..

قتلتو الدوسيهات في دواليب الحكومة..

قتلو الطفل اللي مش لاقي الفطار

طلعت الناس النهار ده للكنيسة

لقوه جنب الجدار..

قطتو جنب الجيتار..

قاعدة مش شايفة النهار..

في انتظار الليل... واسبانيا.. وشنابات الشاويش

(لامبو مات..)

لامبو؟؟ يا عيني.. وتبكي الطفلتين

يمسحوا دموعهم في ايد الامهات

في المناديل الجديدة

(آخر الرحلة تموت يا لامبو على طرف الرصيف.

وانت لو جالك فقير..

كنت تشوي قلبك الطيب تحطولو في رغيف؟؟!)

قطتو توطي

عشان دمعتها ما تعملش ع الاسفلت صوت..

لامبو مات

توصل الناس م الشوارع.. يا سلام

ده أنا سايبو وهو راجع؟ يا سلام

يدمعوا..

يرسموا فوق الصدور علامات صليب

والجرس يتلوي في حبال الكنيسة

كان حزين .. حزين .. حزين

قتلو الحزن

يفرشو فوقو الجرايد

يركعوا الاطفال يرصو حوالين جسمو الورود

والدموع .. غيمة في عيون الوجود

«يا حبيبي يا عمو لامبو..»

روحي يا ماما الكنيسة وسيبيني قاعدة جنبو

يا حبيبي يا عم لامبو

امها تبكي وتاخذها من ايديها

مات شهيد

مات شهيد الليل في اسبانيا السجينة

مات .. وكان عاوز يعيش

غيرشى بس الظلم برَّم لو شنابات الشاويش

الوداع يا عمو لامبو

الوداع يا قطتو المرمية جنبو

الوداع

عربية الاغراب شالوه زي الهوا

الودا....ع دق الجرس فوق الكنيسة

غنت الناس غنوتو

الضباب عمال يضيع

لجل يدي فرصة للشمس اللي حتزور الربيع

القاهرة «1964م».

Comments

كلام ملوش لازمة -اول لقطه

Wed, 06 May 2009 00:09:15 +0100

كنت أظن ان موعدها على شاطئ البحيرة

كان معى و لكنى أكتشفت إنها انسلت بخفة

من بين راحتيا و ظلت ترقص مع الفراشات

و أنا جلست أشاهد الرقصة الملائكية

و شعرت بقلبى يرقص معهم و لكن جسدى كان

على المقعد الرخامى البارد رغم حرارة قلبى

و دقاته السريعة ...........................

Comments

يوم بحلقة في معرض الكتب المستعملة (:

Fri, 03 Apr 2009 15:07:14 +0100

كريم الشيخ ، ناهد سمير ، إيمان زين ، أحمد الساعاتى ، مروة إبراهيم
أحمد هندى ، أحمد دبور ، نانسي ممدوح،

هما دول زملائى و أصدقائي المبحلقين اللى ساعدونى في عمل أول
فعاليه تشارك فيها بحلقة على أرض الواقع فرغم إننا مجلة إلكترونية
تقوم بأغلب أعمالها فى العالم الإفتراضى "الانترنت" الا اننا كل موضوعاتنا
عبارة عن بحلقه على الواقع المصرى و بالتالى كنا عايزيين نشوف بعد أكتر
من 3 شهور من انطلاقة المجلة مين عارفنا و مين ميعرفناش و اللى يعرفنا رأيه إيه فينا ؟
و إيه اللي الشباب عايزين يشوفوه علي بحلقه؟

س: طب أزاى؟
ج : شاركنا في معرض الكتب المستعمله.

كانت فكرة طرقعت فى دماغى و أنا باشوف دعوات الevents على صفحة
الfacebook الخاصة بى فمن بين الدعوات كانت الدعوة لمعرض الكتب المستعملة
فى المركز الدولى للتنمية الثقافي بالدقى و في اخر الدعوة كانت هناك ملاحظة
ان الفرصة ما زالت متاحة للمشاركة في المعرض ،،، فقلت لنفسي ايه المانع
اننا كمجلة نشارك في المعرض ، إحنا حوالى 30 محرر لو 15 منهم اتبرعوا ب 5
كتب مستعمله نقدر نشارك في المعرض و نستغل الفرصة بالتواصل مع جمهورنا
و كانت اول خطوه هي سؤال المسئولين عن المركز اذا كان من الممكن ان نشارك كمجلة
في معرض الكتب المستعمله و كانت الإجابه ترحيب كبير عبرت به الكاتبه مي بهاء و هى منسقة
المعرض بالمركز و كانت الخطوة التاليه الإتصال بزملائى واحداً تلو الاخر - أتكلفت حوالى 50 جنية كروت شحن-
علشان أقولهم الفكره أغلب الزملاء فرحوا و تحمسوا للفكرة و إنهالت الافكار و المبادرات ليوم المعرض

و قسمنا الشغل ...و بدء العمل

-طباعة لوحات ملصقات.
-عمل قائمة تواصل لجمع البريد الاليكترونى لزوار المعرض للتواصل معهم.
-تصميم استطلاع رأى حول المجله لمعرفه ردود فعل الناس إتجاه المجلة .
- طباعة نماذج من الموضوعات المنشورة في المجله لاطلاع الزوار عليها.
- تحميل الموقع علي لاب توب لتعريف جمهور المعرض بالموقع .
- و طبعا التبرع بالكتب و جمعها و تصنيفها .
- الوجود يوم المعرض للتنظيم و تعريف الجمهور بالمجلة.

كل الحــــــاجات دى محدش عملها لوحده روح الجماعة كانت مسيطرة علينا و كمان
روح حب مصر و البحلقه عليها من خلال مشروع صحفى شاب و طموح.

اليوم و اللي أتعمل فيه (:

كان اليوم ممتعا للغاية تجربة جديده ، اولا التعامل مع الجمهور بشكل مباشر و
ممارسة صحفيين شباب لبيع الكتب يعنى مش عارف إذا كانت حصلت قبل كده
ولا دى أول مره ، طبعا إحنا هدفنا مكنش تجارى بالمره و لكن التواصل مع الجمهور
و الإجابه على السؤال قد ايه من الشباب يعرفونا ؟
و كانت الإجابه مفاجأة فمن بين 30 أستبيان كان هناك 13 يقولون أنهم يعرفون المجلة
و أطلعوا عليها و تباينت الاراء حول المجله في الاستبيانات و على ضوء وجهات نظر
القراء هنحاول نطور نفسنا ان شاء الله ،،،، مهم جدا انى أقول ان الاستبيان تحت
شعار "رأيك بيطورنا " كانت فكرة زميلنا المبدع أحمد دبور .

اول 5 توقيعات فى دفتر أوتوجرافات بحلقة

من الحاجات الجميله اللى حصلت في يوم المعرض اننا قدرنا نجمع توقيعات
فى دفتر أوتوجرافات بحلقة و كان أول من وقع عليها هو المدون و الكاتب الشاب
ابراهيم عادل صاحب مدونة انا و انا و كتبلنا " ابقو خلونا نكتب معاكو"
و طبعا ابراهيم عارف انه مش محتاج عزومه
و تانى توقيع كان عبارة عن رسمه للفنان الشاب محمد تهامى
و ثالث توقيع كان للفنان مأمون المليجى و رغم ان القلم كان بيقطع كتبلنا
" مع أطيب التمنيات بالتقدم و النجاح
رابع توقيع كان للفنانه منحه زيتون اللى كانت معجبه جدا بالمجله و خصوصا
لما كنت بعرفها علي الموقع و قلت ان احنا عندنا قسم الأخبار اسمه
جاءنا البيان التالى قالت لى انا مثلت في الفيلم ده (:
و علشان كده كان توقيعها عباره عن قلب مبتسم فيه عينين بتبحلق
و اخر توقيع كان من نصيب الكاتب الشاب محمد الغزالى مؤلف ساديزم
و كتب انه لم يتابع بما يكفي للحكم لكنه سعيد برؤية شباب متحمس

طبعا دى بدايه سعيده لدفتر توقيعاتنا اللى نتمنى ان نضيف اليه المزيد
و المزيد من أصدقاء لمجلة بحلقة .

حاجات تانيه حصلت في اليوم

عملنا حوارات مع كتير من زملائنا الصحفيين و كلمناهم عن فكرة المجلة
بعنا كتب ب 55 جنيه فرحنا بيهم جدا لدرجة ان نانسي ممدوح قعدت تصور
فيهم و هى مش مصدقه نفسها رغم انها شريا هدايا لزوار المعرض بحوالى
200 جنيه مثلا :)
جمعنا ايميلات email ناس كتير أكيد هنتواصل معاهم و كانت أجمل حاجه

ان احنا عرفنا عمليا قيمة العمل الجماعى و تنسيق العمل و حب الفكرة
و التواجد وسط الشباب اللى نتمنى ان مجلة بحلقة تفضل معاهم على طول
تبحلق عليهم و هما يبحلقوا عليها .

و لازم أختم الموضوع بشكر لكل الناس اللى لولاهم مكنش هيتعمل اليوم الجميل ده
فريق عمل المركز الدولى للتنمية الثقافية و دار نون للنشر
كل زوار المعرض اللى اهتموا بالتعرف على مجلة بحلقة
كل الزملاء الصحفيين اللى اهتموا بالتعرف على المجله و فكرة مشاركتها بالمعرض
و طبعا كما كانت البداية بهم أختم بهم زملائى الاعزاء في المجله الذين لولا نشاطهم ما
استطعنا تنظيم هذه الفعالية في 3 ايام فقط .

نشر هذا الموضوع بمجلة بحلقة و للاطلاع عليه هناك كليك على البانر

Comments

أحمد فؤاد نجم في : انتو العيال بتوع الإنترنت اللى هتطلعوا عين الحكومه

Thu, 22 Jan 2009 14:59:17 +0100

في إجتماع المجله اللى كان قبل صدور العدد الأول قررنا إن إحنا نلف
فى شوارع القاهرة ندور على عمنا أحمد فؤاد نجم و أول واحد يقابله
يحدد معاه معاد علشان نعمل حوار مع الأب الروحي للمجله و بالفعل قابلت
الفاجومى فى اليوم التضامنى لطلاب معهد السينما مع غزه و حددت
معاه موعد و مكنتش مصدق وانا رايح ان انا هعمل حوار مع الفاجومى

اللى بيمثل لنا رمز لمعانى كتير فهو رمز لانتصار الفكره
على القمع و الرقابه والسجون و هو كمان رمز للابداع الصادق
اللى بيقاوم حتى تغير الزمن فمختلف الأجيال لحد دلوقتى
بتحب تقرا أحمد فؤاد نجم و كمان بتدور على أغانى الشيخ
إمام اللى لحن الكتير من أشعاره و هو كمان رمز للتسامح
فرغم دخوله السجن في فترة حكم الرئيس عبد الناصر
كتب قصيده "زياره لضريح عبد الناصر" اللى أعلن فيها
أن كل الجراح اللى سببتها الام هذه الفتره "طابت" ...

احنا مجله الكترونيه و عايزين نعمل حوار معاك

في البدايه حبيت أعرف عم أحمد بالمجله و احنا مين و بنعمل ايه
و فوجئت بأستقباله الحافل و برد فعله المرحب جدا بفكره الصحافه الالكترونيه
و انه معجب جدا بجيل الشباب اللى بيكتب على الانترنت سواء
على المدونات او الفيس بوك او المجلات الالكترونيه اللى زي حلاتنا
و على رغم من انه لحد دلوقتى فيه كتير من المثقفين و يمكن أجيال أقرب
لجيلنا سناً من جيل الفاجومي بتعتبر ان الصحافه الشعبيه الالكترونيه لعب
عيال انما هو كان بيكشف عن جزء مهم من اسباب حبنا ليه
و هو انه قريب مننا و متابع نشاط الشباب على الانترنت
و مؤمن بنجاحه و ده رغم انه مبيتعاملش مع النت بشكل مباشر
لكن اول كلام هو قاله كان عن رأيه في جيلنا و ده بمجرد ما عرفته
بفكره بحلقة و كان الاتى : " الجيل اللى جاى ده هيعرف ازاى ياخد حقه
و محدش هيقدر عليه لا بوليس و لا مباحث و لا مراقبه و لا اى حاجه
لانه جيل عنده وعى فهم الحدوته أحنا مين و أعدائنا مين و ده ظاهر دلوقتى
بشكل كبير شوف عدد الشباب اللى مهتمين بالسياسه من مختلف الاماكن
و بيشتغلوا في مختلف التخصصات، و خد بالك احنا لسه في أول السكه
شوف قدام هيحصل ايه ، الجيل اللى جاي ده لسه هيبدع أفكار ويكون
تنظيمات تدافع عن حقوقه اللى اتاخدت بالأونطه، الجيل اللى جاي ده
خلاص متنفعش معاه الاونطه و الأيام الجايه هتثبت كده انتو العيال بتوع
الإنترنت اللى هتطلعوا عين الحكومه و الحكومه هتطلع عينكم بس انتوا اللى هتكسبوا فى الاخر"

عن يوم تضامن طلاب معهد السينما مع غزه التاريخ بيعيد نفسه

مقدرتش أبدأ الحوار مع عم أحمد قبل ما أساله عن اللى حصل يوم حفل تضامن طلاب
معهد السينما مع غزة و خصوصا انه كان كاتب في مقاله اليومى في جريده الدستور عن اليوم و قد ايه انه كان فرحان

بطلبه معهد السينما لكن كان فيه جانب تاني لليوم وهو انه انتهى بطرد عميد المعهد للحضور ؟

هو انت فاكر ناس زى دى موجوده علشان تعلم العيال و تسيبلهم حرية الإبداع لا ، ده
علشان يكتموا علي نفسهم و يحطوا قدامهم حواجز و خطوط حمرا ميعدوهاش
و بعدين الحكايه دي بتفكرنى بمره كنت انا و الشيخ امام في كليه هندسه
جامعة عين شمس و كنا بنقول قصيده شقلبان و حد جه قاللى العميد بيقول لكم انتوا عايزين تروحوا علي
البيت و لا علي امن الدوله انا كنت فاكر اللى بيتكلم عميد مباحث و فوجئت بعد كده انه عميد الكليه.

نصر الله ، شافيز ، غزه ، صكوك بيع القطاع العام

معروف انك من محبى حسن نصر الله شوفت ازاى خطاباته الاخيره و الهوجه اللى حصلت حواليها ؟

دى أزمه مفتعله هما بيقولوا نصر الله وحش طيب أوحش من مين لو حد أحسن منه يتكلم و بعدين
هي القضية دلوقتى حسن نصر الله ولا العيال اللى بيموتوا في غزه كل الكلام ده دعايه سياسيه
علشان خاطر يتوهوا الناس و يشوهوا الصوره وبعدين انا نفسي اعرف هو نصر الله قال ايه و فين الاهانه
اللى وجها لمصر هو انت لما ابن عمك يقولك أخوك في حد بيترازل عليه روح ساعده فيها حاجه دي
فيها اى نوع من الاهانه .

حسيت بايه لما فنزويلا طردت السفير الإسرائيلى و ده محصلش في مصر او اى دوله عربيه ؟

حسيت بقوه الفكر و قيمه الحريه و ان الفكره مش بتموت احنا ممكن حد يحاول
يحبطنا و يقولنا ان اليهود معاهم الاعلام الدولى و انهم شاريين عيون العالم بفلوسهم
لكن لا الفلوس متقدرش تموت الافكار ولا الحق، يدفعوا فلوس زي ما هما عايزين
لكن شوف الحقيقه غصب عنهم تعدى المحيط و توصل فنزويلا علشان تثبت ان
الثقافة و الاشعاع الفكرى محدش يقدر عليهم .

بتقول ايه لاى حد يقول احنا عندنا ازمات و مشاكل نشوف حالنا و مالناش دعوى بغزه ولا
حتى اى حد غير نفسنا؟

ما هو ده متخطط ،إن إحنا نبقى غارقانين فى الأزمات و متكتفين علشان منعرفش نبقى أحرار
و لينا كلمتنا و بعدين هو الضرب ده هما قاصدين بيه غزه بس ما هما داخلين بعد كده على مصر
مين قال ان هما هيقفوا عند غزه و بعدين بقى ما تنساش ان غالبا ما بتنتشر اشاعات هدفها
ان احنا نطنش للقضيه الفلسطينيه زى الكذبه الكبيره اللى بتقول ان الفلسطينيين باعوا
أرضهم سنة 1948 و هما لا باعوا ارضهم ولا حاجه وخرجوا من أرضهم بقوه المجازر و السلاح
و بعدين هل معقول شعب بالكامل يبيع بلده .

ما انت عندك اهه عندنا هنا بقالهم كام سنه بيحاولوا يبيعوا فى القطاع العام بس
و مش عارفين يخلصوه يبقي ازاى الشعب الفلسطينى باع أرضه.

بمناسبه بيع القطاع العام عم أحمد فؤاد نجم هياخد الصك بتاع ملكية القطاع العام يعمل بيه ايه؟

ورقه تواليت ، همسح بيه في الحمام ، ما انا نفسي افهم هو ممكن يتعمل بيه ايه تانى ، هو الورقه
دي لو رحت بيها للبقال ممكن تجيب حاجه .

الحريه بين دلوقتى و ايام عبد الناصر

دلوقتى لما اي حد بيقول رأيه سواء كان صحفى او كاتب أو سياسي معارض
قبل ما أى حد من الموالين للحكومه بيرد عليه بيقولوا لو كان الكلام ده ايام
عبد الناصر كان زمانكم في السجن شايف ازاى الحريه بين دلوقتى و عبد الناصر؟

هو السرقه و الفساد ايام عبد الناصر كانت بالشكل اللى بيحصل دلوقتى هما دلوقتى مش من مصلحتهم
يمسكوا حد و يدخلوه السجن هما عندهم سعار أرصدتهم في جنيف و اوربا تزيد معندهمش وقت يمسكوا حد
سايبين اللى يتكلم يتكلم ، و بعدين هو يعنى إيه حريه ؟ الحريه مش بس معناها ان الشعب
يتكلم ، الحريه معناها ان الشعب يملك و يتحكم فى أدوات الإنتاج في البلد علشان
نزرع و نصنع و نعيش حياه كريمه و إن الشعب يملك إتخاذ القرار و يتعلم كويس و يعمل
مؤسسات صحيه و رياضيه كويسه ، الحريه هي كل الحاجات دى مش بس ان الشعب يتكلم
لا الحريه بجد هى ان الشعب يحكم و يتملك و يتخذ القرار

مفيش حاجه اسمها انتخابات فى 2011 الموضوع هيكون خلاف أسري

تتوقع سنه 2011 سنه إنتخابات الرئاسه شكلها هيكون عامل إزاى ؟

انتخابات ايه و فين الانتخابات دى انا شايف الموضوع عباره عن خناقه جوه الأسره
فيه توريث لجمال ولا توريث لحد غير جمال ولا مبارك هيكمل و الكواليس فيها خناقه و هيوقعوا
بعض ان شاء الله و الشعب هو اللى هيكسب بانه بعد ما يوقعوا بعض هو اللى يختار.

لو أفترضنا ان سنه 2011 هيحصل صراع علي السلطه الشعب هيحصله ايه في وسط الصراع ده ؟

ولا حاجه هقولك حاجه في كلمه مشهوره قالها مؤرخ و شاعر اسمه إبن إياس كان موجود
في مصر أيام المماليك بيقول ايه : "و حدثت مقتلة عظيمه بين المماليك البحرية و القبلية
و قتل فيها الف الف نفس "مليون" و لم تنتطح في ذاك شاتان " عادى هو ده حال مصر
يحصل اللى يحصل الحياه بتمشى كوارث الكوارث مبتوقفناش بلاش ابن اياس مش عندك
السادات مات مقتول و الناس عادي كان عندنا عيد قريب باين الناس نزلت أشترت حاجه العيد
الحياه مشيت عادى و هتمشى عادى أحنا مستعدين لاى حاجه .

انت قلت انا متبت في الدنيا و بتلكك و مش ماشى منها غير لما أشوف القضيه الفلسطينيه
بتتحل اللى حاصل في فلسطين دلوقتى بيقول إحنا قربنا ولا بنبعد عن الحل ؟

إحنا بنقرب قوى و الأمل زاد ده العدو إبتدى يفقد توازنه ، هو اللى بتعمله
إسرائيل دلوقتى ده في ناس عاقله تعمله دول مجموعه من المجانين و بيقعوا

طب والإنقسام الفلسطينى ؟

الشعب الفلسطينى ده شعب جبار مبيتلويش دراعه هما عارفين مصلحتهم فين
العالم كله بيضرب فيهم بقالهم ستين سنه عايزين يخلصوا عليهم مش عارفين
مفيش انقسام هيأثر في الفلسطينيين ، شوف المرأة الفلسطينية في أي
حته ، العاقر بتجيب 6 عيال دي اللى مش بتعرف تخلف بتجيب 6، الشعب الفلسطينى
عارف هو بيعمل ايه و هيحرر ارضه ازاى

السؤال الأخير

أخدتنا السياسه و الكلام فيها و بعدنا عن الأدب و الشعر لكن آخر سؤال هيكون
أهم الكتب اللى قريتها قبل ما تكتب شعر و حسيت انها كونت الروح الإبداعيه عندك؟

اهم الحاجات كانت من الكتب التراثيه الصفرا القديمه سيره سيف بن ذي يزن
و الزير سالم و أهمهم سيرة عنتر بن شداد ، ده بقى اول ثائر ضد العبوديه
اشترى حريته بدراعه يمكن عنتر بن شداد يكون رمز عربى مهم اثر فيا
لما تعرف ان كان فيه واحد زى ده و عربي و شاعر و فارس و ثائر على العبوديه من الاف السنين ده
أكيد كان شئ مبهر و عظيم بالنسبه ليا

نت قلت قبل كده برضه ان من اول الحاجات اللى قريتها كان شعر ابن الفارض
بس هو اكيد كان فيه استعداد او قريت حاجات قبل كده علشان خاطر تقدر
توصل لقراءه ابن الفارض الشاعر الصوفى الكبير؟

لا ولا استعداد ولا حاجه مش ابن الفارض ده ابن تسعه و انا ابن تسعه
مفيش حاجه قرايتها صعبه لو بتحب الشعر هتفهم اى شاعر عايز
يقول ايه .

خلصت الأسئله لكن الحوار ان شاء الله مش هيخلص أبدا ً بين المجله و عم أحمد
و من حبنا ليه هنحاول كل شويه نروح و نتلكك و نقعد علشان نقطف شوية بلح
من نخلة البلح الأبريمى اللى واصله للسما، المزروعه على طمي مصر
و شاربه من مية النيل فطرحت الشعر اللى احنا ما بنشبعش من قرايته ولا سماعه،
فى النهاية شكرت عم أحمد على الفرصه الجميله دى و طلبت منه طلبين و هو مشكورا

لباهم الأول كان انه يوقع علي ديوان الأعمال الكامله ليه الصادر عن دار ميرت للنشر

و كتب لى

أحمد حامد

من جيل الشياطين

شدوا حيلكم يا عيال

نجم 10 -1-2009

و هى دي صورة التوقيع

بالإضافه إلى صوره معاه و يمكن الصوره هتوضح انا كنت سعيد قد إيه ان انا عملت حوار مع الفاجومي

هذا الحوار نشر على مجلة بحلقة الإلكترونية

http://b7l2a.net/hewar/281.html

Comments

الصورة اليوتيوبية للجامعة المصرية

Fri, 12 Dec 2008 02:48:52 +0100

موقع اليوتيوب الأرشيف السينمائي و التلفزيونى الكبير ، اللى بقينا بنروح ليه لما نفتكر حته من فيلم أو أغنية قديمه نفسنا نتفرج عليها ، بنكتب عند مربع البحث اسم الفيلم أو الأغنية و ندوس enter نلاقي الي احناعايزينه غالبا فى نتائج البحث ، ده غالبا استخدمنا للموقعلكن اليو تيوب بسبب كاميرا الموبايل بقى عين ممكن نبحلق بيها على المجتمع من حولينا و ده الى انا حسيته لما كنت داخل على موقع اليوتيوب و لقيت على الصفحة الأولى لقطة بعنوان " بداية الدراسة في تجارة عين شمس"المشهد كان عبارة عن عدد كبير جدا من الولاد و البنات بيرقصوا علي أغنية شعبية طالعه من سماعات dj فى ساحة الكلية ، اكيد الدقيقة و السبعتاشر ثانية الى هما مدة المقطع بيورونا موهبه عبقرية عند الطلبة المصريين في الرقص لكن برضه المشهد ممكن يكون مستفز للمشاعر و يخلي اي حد يتفرجيسأل ليه ده بيحصل فى الجامعة؟ و هو ايه المنطقى و المظبوط الى المفروض يحصل؟و لازم تسأل اذا كان الأحتفال ببداية الدراسة كده طب هيكون ايه المستوى العلمى الى عند الطلبة دول عند احتفال التخرج ؟ ؟؟ بلف أدور على جامعة و علشان أجاوب على الاسئله دي قررت أعمل بحث بأسماء الجامعات المصرية علي اليوتيوب علشان اعرف ايه الى بيحصل جوه الجامعات دي من خلال عيون مختلفه الى هى كاميرات موبايلات الطلبة اول جامعة اخترتها "جامعة عين شمس" و كانت اغلب اللقطات بتدور حولين 1 – خناقات و أحداث بلطجة داخل الجامعة بسبب انتخابات أتحاد الطلبة و مظاهراتها.2- صدامات بين الامن و الطلبة " لقطة لاقتحام الأمن لمسجد كلية الطب".3- حفلات غنائية و رقص الطلبة داخل الجامعة " حفلات لايهاب توفيق و محمد منير و حفلات على الdj و مشاهد للطلبة بيرقصوا .4- من أغرب المشاهد مشهد لطالب بيحل امتحان مادة حقوق الانسان علي الانترنت و بيحاول يشرح لزمايله ازاى يغشوا الامتحان من موقع البحثGoogle للعلم بالشئ مادة حقوق الانسان ماده نجاح و سقوط وهي المادهالوحيدة الى ممكن الطالب يمتحنها في البيت على شبكة الانترنت.5- احتفالات الطلاب بالفوز في متشات كوره للمنتخب او النادى الاهلى. غالبا هي دي الموضوعات الي بتتكلم عنها فيديوهات جامعة عين شمس الحقيقة ملقتش اي فيديوهات عن اي حاجه ليها علاقة بالعلم او الدراسة في وسط ال85 مقطع المتوفرين لغاية دلوقتى عن الجامعة و لو كان فيه فهى هتكون حالات نادرة جدا جامعة القاهرة باعتبارهم اخوات في وطن واحد مكنش فى تقريبا اختلاف بين فيديوهات جامعة عين شمس و القاهرة واضح غير العدد فكان عدد القطات يتجاوز ال150 و الموضوعات تكاد تكون منسوخة و كان المخرج و المصور و الإضاءة هما نفسهم بيحكوا المشكلة لكن الlocation أختلف ، اول عامل مشترك كان الصدام بين الامن و الطلبة و ده بيظهر فى لقطات زى " أختطاف طالب من امام جامعة القاهرة " ، " أعتراض الامن لطلاب جامعة القاهرة من دخول المسرح" ، مظاهرات للطلبة بسبب انتخابات اتحاد الطلبة و تزويرها واسباب أخرى ، انتخابات الاتحاد الموازى ، ده جزء من الجانب السياسي للفيديوهات جانب تاني عبارة عن تكريم الفنانين و كان واضح من خلال الفيديوهات أهتمام جامعة القاهرة بتكريم مجموعة من الفنانين زى مصطفى شعبان ، وشيكو وهشام ماجد أبطال فيلم ورقة شفرة و منة شلبى و إيساف وبعد تكريم الفنانين تظهر نماذج تانية من فيديوهات بتبين احوال الجامعة زى اعتصام طلاب كلية الهندسة قسم باور فى نص شهر اكتوبر الي فات علشان توزيع المواد الاختيارية ، ده غير فيديو بعنوان "حمام سباحة في كلية إعلام " و دى لقطة لطفح مجارى حصل قدام كلية إعلام حاصر الطلبه و خلاهم مش عارفين لا يدخلوا ولا يخرجوا من الكلية ، ده غير لقطة لطالبتين بيضربوا بعض في الجامعة و الى نزلها على النت اضاف ليها أغنية "كتاب حياتى" لحسن الاسمر لاضفاؤ الكوميديا علي المشهد الدرامى و أختم عرض الأفلام بمظاهرات الشاي و الشيبسى و الى بتورينا ازاى الطلبة هجموا على الشاى و الشيبسي لما كانوا بيتوزعوا مجانا كنوع من الدعاية على الطلبة . طبعا كان فيه أفلام بتورينا حاجات ايجابية حصلت جوه الجامعة زى فطار طلبة كلية صيدلة فى رمضان او يوم تجميل و تنظيف كلية الحاسبات و المعلومات لكن برضه كل ده ملوش علاقة بالتعليم جوه الجامعة مفيش فيلم واحد بيظر مظهر للبحث العلمى أو التعليم جوه الجامعة . بقية الجامعات أبرز فيديوهات جامعة اسكندريه كانت 1 - لقطه لندوه في مراكز حقوق انسان لمواطن بيقول ان له فلوس عند الجامعة علشان هو وردلهم لحمة و فراخ و هما مدفعوش تمنها2 – فيلمين عن طالب اسمه محمد السقا أستشهد فى مظاهرة ضد أمريكا3- فيلم "الطالب المضروب بجامعة الإسكندرية يحكي للطلاب ما حدث له"4 – افلام كتيـــــــــــــــــر لفريق كورال الجامعةاما جامعة حلوان فكان ابرز فيديو عن رفض طلاب الجامعة قرار إدارة الجامعة بفصل مجموعة من الطلاب الي مدد تصل ل 3 سنوات . جامعة بنها لم تحرمنا بنها من الاعتصامات فكان فيديو أعتصام طلبة معهد عالي للتكنولوجيا أعتراضا على عدم تحويل المعهد الى كلية هندسة ، ده غير عدد بسيط من الفيديوهات كانت عبارة عن حفلات برضه زي أغلب الجامعات جامعة الزقازيق اول حاجة هاتشوفها حفلة غنائية لجيهان راتب في الجامعة والحضور كان ممتاززز و واحد من الطلبة كان هيشدها وهى بتسلم عليه من على المسرح و بعد كده فيديو لحفلة تنصيب اتحاد طلبة جامعة الزقازيق وبعديها فيديو بعنوان كلمة طلاب الأخوان لفضح الاتحاد المعين و الانتخابات المزورة و أعتصام للطلبة ضد مجلس التأديب الى أتعمل ضد .......ألخ ألخ (القصة بقت معروفة)، الفيديو التانى بعنوان "ديسكو بتجارة الزقازيق" و تقريبا كده ان الرقص على صويت الdj بقى عامل مشترك فى جامعات كتير ، و قاسم تانى مشترك هو البلطجة كتير فيديوهات بتصور بلطجية جوه الجامعة ومنها "بلطجة فى جامعة الزقازيق" ده غير الفيديوهات الى بتصور مدى الزحمة و عدم التنظيم زي مشهد " مأساة تدافع و وفاة طلاب بجامعة الزقازيق" و مشهد تانى لأغماء طالب كان واقف فى طابور الكشف الصحى ، الغش كالعادة لازم برضه يكون موجود فالامتحانات علشان كده فى لقطة صغيرة لطالب بيبرشم علي البنش الى هيمتحن عليه ، ولان الشرقاوية مشهور عنهم الكرم فكان فختام الجولة فجامعتهم هيكون بمشهدين مضحكين الاول لولد بيشحت بمناديل و بيغلس علي البنات جوه الجامعة قدام مدرج شلبى تانى مشهد و ده كان بصراحة نكته النكته لنتيجة التماس مقدمها طالب مجموعة ضعيف جدا كان عشمان يطلع ضعيف مثلا و يرفعوه نمرتين فينجح ويعدى لكن النتيجة طلعت غايب !! جامعة المنصورة الحقيقة أغلب مشاهد جامعة المنصورة شبيها جدا بحجات اتحكت قبل كده مفيش شئ مختلف او مميز يمكن غير مشاركة أعضاء هيئة تدريس جامعة المنصورة فى يوم إضراب أساتذة الجامعة يوم 23مارس الماضى من أجل تحسين أحوال الجامعة . جامعة المنوفية مفيش غير عدد محدود من اللقطات اهمها لقطة لمظاهرة للتضامن مع غزة جامعة طنطا اول فيديو هتلاقيه بعد ما تكتب اسم الجامعة في البحث 1- حريق كبير بخيمة أمتحانات فى كلية الحقوق 2- فيديو للحمامات كلية تربية رياضية و بتستخدم كغرفة تغيير ملابس مش محتاج أقول أكتر من ان الريحة واصلة من خلال الصورة 3- قصة المظاهرات و الخلافات حولين الانتخابات و الامن و الاخوان دى التيمة المشتركة بين كل الجامعات المصرية تقريبا و بالتالى كان فيه مشاهد حولين الملحمة الشعبية دى كتير كالعادة لكن الاختلاف ان كان فيه مظاهرة في جامعة طنطا ضد تصريحات وزير الثقافة حول موضوع الحجاب.4- انما اللقطة المميزة و الى ادت طعم مختلف لجامعة طنطا الحوار الى دار فى إحدى الفضائيات بين عميد كلية علوم جامعة المنصورة و احد الطلاب عنده الطالب بيقول ان العميد ضربه والعميد بيقول انه والله مضربته المشكلة بقى ان كل ده علشان الولد كان بيعمل اسبيان اذا كان زمايله موافقين على الزيادة الى حصلت فالمصاريف ولا لا .. جامعات خط الصعيد جامعة الفيوم كالعادة فى اى جامعة الصدام بين الامن و الطلاب و بيظهر في سلسلة من الفيديوهات و يبدأ ب "الاعتداء على طالب بجامعة الفيوم" ، "أعتقال 3طلاب من جامعة الفيوم" ، " مظاهرة ضد أعتقال الطلبة" لتأتى قمة الإثارة و التراجيديا في فيديو أضافه صاحب مدونة فيومى حر و بيتكلم فيها احد الطلبة عن موقف اتعرض له بعنوان "وزير التعليم العالى يهدد طالب بالاعتقال " طبعا الفيوم كانت لازم تشارك فالمهرجان الفنى الى بتقيمة كل الجامعات المصرية علشان ترفه على الطلبة بعد ما بيشوفوا الاهوال دي و ده ظهر فى لقطات لحفلات منير و حماقي فى الجامعة .و اخر أهم لقطة من جامعة الفيوم تقرير عن تسمم أصاب مئات الطلاب في المدينة الجامعية بسبب وجبه فاسدة اعدتها لهم الجامعة و فيديو تانى لمظاهرة طلابية حاشده بسبب الاهمال الى حصل . جامعة بنى سويف 1 – أعتصام طلاب الأخوان المسلمين بجامعة بنى سويف بسبب فصل طالب2-الأمن المركزى أمام جامعة بنى سويف 3- مشهد من برنامج 90 دقيقة عن طلب إحاطة حول اتهامات بلهدار مال عام فى الجامعةجامعة المنيا غير المسيرات و المظاهرات كان فيه لقطتين لحريقة في كلية الفنون الجميلة جامعة أسيوط غير المعتاد كان فيه فيديو للاحتفال باليوبيل الذهبي و فيها اغنية خمسين شمعة يا اجمل جامعة يا اغلى الجامعات . جامعة جنوب الوادى رغم بعد المسافة بين جامعة طنطا فى شمال الوادى و جامعة جنوب الوادى الا ان المشاهد الي صورها طلبة جامعة جنوب الوادى لحمام جامعتهم كانت قريبة جدا من المشاهد الى صورها زمايلهم فى طنطا و دى حاجة بتؤكد بعد 7000 سنة نجاح الملك مينا فى توحيد القطرين. ده غير دليل تانى و هو صور المظاهرات و المسيرات المعتادة و فيلم بعنوان فصل 8 طلاب بسبب اشتراكهم في مظاهرة تفتكروا الصورة اليوتيوبية ممكن تتحسن؟؟؟؟؟؟ بعد العرض الصورة الموجودة عن 13 جامعة مصرية يا ترى الصورة دى ممكن تتحسن طب تتحسن ازاى ؟ السؤال ده اجابته سهله لكن تطبيقه صعب ، الفيديوهات دى على موقع اليوتيوب و محدش هيقدر يمسحها لكن ممكن اذا كان في نية ان احنا نطور التعليم علشان البلد دى تبقى بلد متقدمه في يوم من الايام ان احنا قصاد كل فيلم سئ نحمل 100 فيلم كويس علي الموقع بيتكلم عن ابحاث مهمة خارجة من الجامعات دى او عن جوايز كبيره حصل عليها باحثين او اساتذة او طلبة في الجامعات المصرية ، افلام عن أهم الانجازات الى بتحققها كل جامعة لمصر من خلال البحث العلمى و أحنا ممكن نشوف ده فعلا لما نعمل بحث على اسماء جامعات تانية زي الموجوده في قائمة أفضل 500 جامعة حول العالم الى بتعملها جامعة شنغهاى علشان تقييم الجامعات الصينية بالنسبة لبقية الجامعات حول العالم طبعا مصر السنه دى مكنتش فيهم لكن السنه الى فاتت جامعة القاهرة كانت في ديل القائمة و مش لشئ غير حصول د . محمد البرادعى على جائزة نوبلللسلام بسبب عمله بالوكالة الدولية للطاقة الذرية و باعتباره خريج كلية الحقوق جامعة القاهرة سنة 1962 ادرجت الجامعة في القائمة. المهم ان اكتر حاجة بتستفزنا كمصريين و عرب فالقائمة مش اسماء الجامعات و المعاهد الأمريكية باعتبار ان امريكا دي امريكا ولا الاوربية لان مهما ان كان دولا برضه خواجات ولا جامعات الدول الأسياوية لان دول نمور اسياوية و احنا على قد حالنا ولا اسماء الجامعات البرازيلية على اعتبار ان البرازيل بتكسب كاس العالم و تستاهل كل خير و رغم ان المفروض ان احنا يكون عندنا غيرة وطنية من كل الدول و الشعوب دى الا اننا اكتر حاجة بتغيظنا و بتحرق دمنا وجود حوالى 6 جامعات و معاهد اسرائيلية موجودة فى هذا التقييم بصفة شبه دائمة و لأسباب تعود الى قيمة الأبحاث و المقالات العلمية المنشورة من هذه الجامعات و مستوى التعليم أكتر من الاعتماد على عامل الجوائز .علشان كدة أخترت اول جامعة اسرائيلية تقابلنى علشان ادور عليها في موقع اليوتيوب و كانت الجامعة العبرية في القدس و كانت حاصلة على المركز ال65 على مستوى العالم في التقييم و كان اول فيلم عبارة عن فيلم تسجيلى عن الجامعة بيشرح قصة تأسيس الجامعة على ارض فلسطين ايام الانتداب البريطانى و الانجازات العلمية الي هما حققوها ده غير جوايز نوبل الى اساتذة و خريجين الجامعة حصلوا عليها فى الفيزياء و الكيمياء و الاقتصاد. ده بمنتهى الامانة كنت اتمنى اشوفو فى اى جامعة مصرية ، لكن دلوقتى احنا قدمنا طريقين اما اننا نرجع لورا اكتر او نقرر نجرى لقدام لان احنا اتأخرنا بطريقة مينفعش معاها المشى لازم نجرى ملحوظة أخيرة تقييم جامعة شنغهاى ممكن اى حد يطلع عليه على موقع www.arwu.org رابط المجلة>>>>>>>

Comments

انا هتابع المؤتمر

Sat, 01 Nov 2008 02:03:57 +0100

اوحش حاجه فالنكته البايخة انك تسمعها مرتين

و يبقى مطلوب منك فكل مرة تضحك غصب

علشان متتصنفش عند الى بيقولك النكتة انك شخص رخم

و مش مرح كده و مطرقع وخاصة لو كان

صاحبك ده شايف نفسة

لكن بقى تخيل ان صاحبك ده

هو نفسه قالك نكته رخمه مش مرتين

لا خمس مرات فعين العدو

تعمل ايه لازم تاخد موقف

مثلا تمسح رقم موبايله

تشيل اسمه من قائمة اصدقائك على الفيس بوك

من الاخر تقاطعه و تقول له كفايه بقى

ايه قلت مره و قلنا مشى

التانيه و زي بعضه

الثالثه عصرنا عل نفسنه ليمونه

الرابعه اتخنقنا

الخامسه لا بقي

لازم الواحد يشمر كمامه و يعمل حاجة

ده الي عملة مجموعة شباب 6 ابريل

لمواجهة المؤتمر الممل و المحبط و الى زى ما انت عايز تقول اقول

بتاع الحزب الوطنى

و الى بيعقد للمرة الخامسة

و الى اكيد هيتعاد فيه نفس "اللبانه" الكلام

بتاع الاربع مرات الي فاتت

و علشان كده انا اتمنى

ان مؤتمر "القلة المندسه" تحت شعار

ما تصدقش يكون قوى و مؤثر

و ده رغم انه مؤتمر افتراضى

يعنى هيكون على شبكة الانترنت بس

مش فى قاعة المؤتمرات الكبيرة الواسعة المكيفة

و دى ممكن تكون ميزة ففضاء النت ارحب

و اوسع مليارات المرات من قاعة المؤتمرات

و حتى لو كان مؤتمر القله المندسه لا قدر الله سيظهر

بصورة ضعيفة لكنه خطوة فى الطريق

الصحيح لكى نقول لا لسياسة الصوت الواحد

و سياسة فرض الرأى و وجهة النظر

من خلال ماكينة المال و السلطة و الاعلام

الموجه

و عموما البداية مبشرة فافلام الاعلانات و البروموهات للمؤتمر الموازى

جذابة و مؤثرة للغاية وتفند مأسى حصلت فى مؤتمر الحزب السابق

و الكوارث التى تحدث فى داخل المجتمع المصرى

من بطالة و حوادث و فساد و منع للمظاهرات

و بدل ما احكى كل فيلم فيه ايه

شوفوها بنفسكم

الفيلم 1

الفيلم 2

عنوان المؤتمر لليحب يحضر

www.anti-ndp.com

Comments

في الذكرى الثالثه لمحرقة قصر ثقافة بنى سويف

Fri, 05 Sep 2008 23:26:12 +0100

كلام عادى فى ذكرى يوم عادى

اليوم تمر الذكرى الثالثة علي حريق مسرح قصر ثقافة

بنى سويف التى استشهد بها أكثر من 50 بين فنانين

و نقاد و مشاهدين و موظفين و هذا غير المصابين

في مكان من المفروض أن يكون مجهزا لمواجهة مثل

هذه الطوارئ ، لكن للأسف الشديد شمعة في عرض

مسرحى سقطت على الارض فانطلقت النيران وسط

الناس لتشويهم و مر الموضوع هادئا عاديا سلساً

فقد مر العام الاول ثم الثانى و ها نحن امام الذكرى

الثالثة ، و لا احد يعرف مصير الاسر التى فقدت عائلها

أو هؤلاء الأبناء الذين فقدوا امهاتهم فى هذا الحريق

في الحقيقه كنت أتمنى ان اجد و أنا أبحث علي صفحات

الجرائد و الانترنت عن تقرير صحفى يرصد وضع

هؤلاء المكلومين . كذلك يمر العام الثالث و لا نشعر

ان مصر قد استفادت اي دروس من مصائبها و كوارثها

فلم نرى محاسبات قوية او عقوبات على مقدار الكارثة

حتى انه كل ما حصل لرئيس هيئة قصور الثقافة وقتها

انه قدم استقالته و بعدها حصل على حكم بعشر

سنوات سجن ثم تقريبا حصل علي براءة و تم تتويه

الموضوع و تمييعه لدرجة انه يستضاف الان كاستاذ

و منظر سياسي و قيادى بالحزب الحاكم في الكثير

من البرامج التلفزيونية ، رغم ان الرجل بعد الحادث

ترك موقعه و المفروض انه تركه من أجل ان يحاسب

و بالتالى كيف يكون بريئا و كيف تكون الحادثة

بهذه البشاعة

!!!!!!!!!!!!!!!

ما معنى المسئولية ما معنى كلمة مسئول

اتمنى ان لا يكون مرادف هذه الكلمه ما اشاهده

في الافلام و المسلسلات المصرية

المسئولية = مقعد وثير + مكتب فاخر مطعم بالعاج + قلم

حبر مطلي بالذهب يتم به التوقيع على الأوراق التي تمررها

عليه السكرتريه بشكل روتينى + التليفون الي بيرغي فيه المسئول طول

النهار + مكيف الهواء الذي ينزل الزخات البارده

على المسئول الذي لا يستطيع احد ان يسأله عن شئ

سوى الله عز و جل يوم القيامه

..............

الاهم من كل ما سبق ان عدم المحاسبه و حالة

الزهايمر التى نصاب بها تجعلنا نقع فى نفس الاخطاء

فقبل ايام من الذكرى الثالثة لمحرقة مسرح بنى سويف

حدث حريق مجلس الشورى الذى مر هادئا

عاديا ، طبيعيا و كأن مفيش حاجة

رغم انه لو كشك جرايد اتحرق يمكن كان

تم حبس و تغريم صاحب الكشك لانه لم يلتزم

بقوانين الامن الصناعى

ملحوظة أخيرة الحمد لله ان الذكري الثالثه لحريق

مسرح بني سويف تأتى في رمضان لكي

نستغل الفرصة و نتضرع الى الله لكي

يرحمهم و يسكنهم فسيح جناته

و يرحمنا معهم أيضا

حيث ان الرحمه تجوز على الحي و الميت

و لو اختلفت اشكال القبور

Comments

وداعا ابو "احمد العربى" محمود درويش

Sun, 10 Aug 2008 00:42:02 +0100

هذا هو

غلاف ديوان كزهر اللوز او ابعد

و هو الديوان الوحيد تقريبا

بمكتبة الكلية التى ادرس بها

كلما كنت ادخل المكتبه كنت

أذهب اليه و أقراء هذه القصيدة

فكر بغيرك

وأنت تعدّ فطورك فكّر بغيرك
لا تنس قوت الحمام
وأنت تخوض حروبك فكّر بغيرك
لا تنس من يطلبون السلام
وأنت تسدد فاتورة الماء فكّر بغيرك
لا تنس من يرضعون الغمام
وأنت تعود لبيتك فكّر بغيرك
لا تنس شعب الخيام
وأنت تنام وتحصي الكواكب فكر بغيرك
ثمة من لم يجد حيزا للمنام
وأنت تحرّر نفسك بالاستعارات فكّر بغيرك
من فقدوا حقهم في الكلام
وأنت تفكّر في الآخرين البعيدين
فكّر بنفسك
قل ليتني شمعة في الظلام

يقولون ان هذا القلب الرائع

قد توقف عن الخفقان

و انا اقول ان من نشر هذا

الخبر لم يقراء لمحمود درويش و لم يعرفه

فهذا القلب سيظل جميلا

خفيفا، وردي اللون لا يبخل

علينا بضخ النور و الثورة و الحب و الحرية

وداعا ايها القلب الذي لا يموت

Comments

21 يوليو مصر لن تسمع ترررن ترررررن

Sat, 19 Jul 2008 17:55:14 +0100

حتى نفعل أي شئ في الحياة من الأفضل ان ننسي ما يواجهنا من

عقبات و نحلم بان نحقق طموحاتنا و نبدع من أجل تحقيق هذه

الطموحات و لذلك انا الان احلم رغم كل الصعوبات ان مقاطعة

الهواتف الأرضية يوم 21 يوليو التى دعى لها "تحالف المستهلكين

المصريين" قد نجحـت بالفعــل و حققت هدفها بتراجــع شركـــة

الاتصالات عن الزيادة الغير مبررة لأسعار الاتصالات بالهواتف

الارضية و هذا رغم ان عدد أعضاء مجموعة "مقاطعة الهواتف

الارضية فى مصر " لم يتجاوز حتي اللحظة التي أكتب فيها الان

ال 300 شخص الذين ربما لا يستطيع ان يلتزم بعضهم بنزع

فيشة التليفون و بعضهم يكتب علي المجموعة انه لم يعد عنده

هاتف ارضى بسبب ارتفاع اسعار المكالمات و أضطر لإلغاء

الخط الارضى من المنزل و أصبح يستخدم المحمول للمكالمات

الضرورية و يدخل علي الإنترنت في النت كافية الى هذا الحد

ستصل بنا المشكلة ففى زمن المعلومات و الاتصالات سيضطر

من المصريين ان يستــغنوا عن أختراع التليفون بسبب جشع

شركة الاتصالات و سوء الحالة الإقتصادية و المحزن أكثر

اننا كمجتمع لا نستغل الفرص من أجل تحقيق وضع أحسن لنا

و نجعل الكثير من التحركات الشعبية للاصلاح السياسي و

و الاجتماعى و الاقتصادى أو في أى مجال تمر هكذا دون

ان نستثمرها الاستثمار الامثل الذى يعود علينا بالفائدة فرغم

نجاح الكثير من التجارب التى تحقق نجاح كبيرا بسبب تكاتف

الشعب حول هدف محدد و قضية معينة مثل الحملة ضد مصنع

أجريوم و جزيرة القرصاية و الحملة ضد غلاء اسعار الانترنت

فائق السرعة كل هذه الحملات الشعبية نجحت لسببين الأول

نشاط القائمين على الحملة ثانيا التكاتف الشعبي حول الحملة

و لكن للأسف حتى هذه اللحظة أجد فتورا من الجانبين في

حملة مقاطعة الهواتف الأرضية في مصر يوم 21 يوليو رغم

أن الحملة تتبناها حركة تسمى حركة تحالف المستهلكين المصريين

و تضم الكثير من الحركات السياسية و جمعيات حقوق المستهلك

مثل مواطنون ضد الغلاء ، الجمعية القومية لحماية المستهلك

الجمعية الشعبية لحماية المواطن من الجباية ،وتكتل شباب مصر

للإصلاح (نقدر) وحركة شباب 6 إبريل و هي أغلبها حركات

اثبتت نجاحها فى استخدام الانترنت للترويج للحملات الشعبية

لكن لا أعرف سبب تكاسل كل هذه المجموعات رغم أهمية

موضوع الحملة فزيادة تعريفة المكالمات 50 % و زيادة

سعر الاشتراك 20 % هو أمر غير مقبول في ظل إنخفاض

اسعار الاتصالات عالميا إضافة الى ان السعر السابق كان

غير مقبول ايضا، لذلك أتمنى أن تلقي مقاطعة الهواتف

الارضية يوم 21 يوليو نجاحا يجعل شركة الإتصالات

تتراجع عن اسعارها الجديدة لذا أرجو من كل من يقرأ

هذا الموضوع أن يشارك بشد فيشة التليفون و إن كان

عضوا بموقع الفيس بوك ان يشترك فى مجموعة "مقاطعة التليفونات

"الارضية في مصر

لنجعل يوم 21 يوليو يوما هادئا لا نسمع فيه ترررررن ترررررن

من اجل اسعار اتصالات منطقية

عنوان مجموعة المقاطعة

http://www.facebook.com/group.php?gid=17910330698

Comments

أول يوم من الأجازة "انا يونس" مع منير

Mon, 02 Jun 2008 23:18:47 +0100

و اخيرا اليوم اول يوم من ايام اجازة الصيف لاخر سنة من سنين

دراستى الجامعية ده اذا ان شاء الله نجحت التيرم ده

بعد الامتحان ذهبت لمقهى بجوار الجامعة مع زملاء

سنين الدراسه قررنا بها ان نستعد لفترة جلوس

طويــــــــــــــــــــــــــــــــله على نفس المقهى

انتظارا لما هو قادم في المستقبل

و دارت صوانى المشروبات

و مع دورانها كنا بنتكلم عن الصفوف

او الطوابير التى سنقف فيها فى المرحلة

القادمه و بخلاف طابور العيش الاجبارى

بطبيعة الحال لاننا مش ممكن ناكل جاتوه

او ساليزون و ما شابه ذلك من منكرات

و العياذ بالله و وجدنا امامنا

طابور البطاله

و طابور البطاله المفنعة

و طابور الاعمال البطاله

و طابور الهجره و ممارسة البطاله بالخارج

من الاخر البطاله هي خيار استراتيجى

مفروض علينا زى طابور العيش

لخريج 2008

و ما قبلها و ما بعدها

فوسط هذا الهبل و الغموض

صوت خبط فودنى

بيقول

"و انتى تقوليلى بحبك تحبي ايه فيا و ده حب ايه ده الى من غير اى

حررررريه"

و طبعا صوت محمد منير

عرفت ان الشريط الجديد نزل على النت

و منها على موبيلات مصر كلها

و مصر تنشد فى الشارع و المترو

و الريف و الحضر

شريط الملك محمد منير بلدياتى

الجميل - طعم البيوت

و عندما وصلت البيت قعدت بقيت

اليوم اسمع الشريط

و كل ما يخلص

أقلب و اجيب من الاول تقريبا

انا دلوقتى فالمرة ال30 لسماع الشريط

منير في الشريط

و بالذات في اغنية يونس

و اغنية

"ان كان لزاما علينا الرحيل"

بيضرب على وتر جامد قوى

وهو وتر الغربة الى بقى

المصري مضطر يعيشها

ان كان بالسفر برا مصر

او حتى و احنا عايشين

جواها حسين ان احنا فغربه

مش هى دى مصر الى احنا عارفينها

و الى بنحبها و عارفين طعمها و ريحيتها

***

واحد صاحبى كان هيعيط و هو بيسمع اغنيه" ان كان لزاما

علينا الرحيل" علشان اخته مسافرة السعوديه

انا كمان كنت هعيط لما افتكرت ان والدى عايش

لوحده بيشتغل بره و انا و بقيه الاسره فمصر

و كمان لما سمعت منير بيزعق

و يقول مفيش حب من غير حريه

مينفعش ابقي انا يونس الغلبان المتغرب

المتشحتط و غربتى صاحبتى و لا زاد

و لا ميه و ممكن احب عزيزة بنت السلطان

طبعا ان بموت فعزيزة لكن مش قادر احبها

زي ما الحب المفروض بيكون

و كان نفسي طبعا يبقى الزمان غير الزمان

و الحال غير الحال رغم ان انا

ابن الهلاليه لكن الدنيا مالت عليا

.............

بعد يوم كامل من سماع الشريط

خلاص انا حاسس ان انا بصحيح

اسمى يووووونس

Comments

60 عاما و فلسطين باقيه

Thu, 15 May 2008 14:54:30 +0100

مشاركة اليوم العالمى للتدوين عن فلسطين 15 مايو

هذه خريطة فلسطين المعلقة بجدران غرفتى اليوم

و قد كنت علقتها فى مايو 2007 و إن شاء الله

ستظل كذلك بل انها ستتحول الى واقع ، وبرغم

مرور 60 عاما على النكبة يجب ان لا نحزن

نعم نحن خسرنا فى 1948 و لكننا ننتصر اليوم

في 2008 لاننا لم ننسي ان هذه هي فلسطين

كما راهن مغتصبوا أرضنا في مثل هذا اليوم

و لكن السؤال الذى اسئله اليوم

هل من الممكن فعلا ان ننتصر؟

و بتجنيب العواطف قليلا هل هذا ممكن؟؟

قناعتى الشخصية انه بمنتهى البساطه

و بدون إطلاق رصاصة واحدة

يمكن ان نستعيد الاراضى العربية كاملة

و أبنى إجابتى تلك على تجربه سابقه

و هي تجربة غاندى في مقاومة الاحتلال

و التى إن قام بها العرب سينتصرون

بلا شك و سينالوا إعجاب العالم أيضا

فغاندى سأل نفسه سؤال بسيط

كيف يسيطر جيش من100 الف إنسان

علي شعب به أكثر من 350 مليون إنسان

فابتكر اسلوب اللاعنف و المقاطعة

و قرر الا يلبس الا من ما تصنع يداه

و ربي شاه -معزة- و أصبح يغزل صوفها

و يشرب لبنها و لا يأكل الا من ما تزرع يداه

و عندما فرض الاحتلال البريطاني ضرائب علي

الملح قام بعمل مسيرة الملح الشهيرة و ذهب الي

البحر و صنع الملح بيديه و هكذا نالت الهند

استقلالها بتريقة مبتكره و بدون إطلاق رصاصة واحدة

و نحن الان أكثر من نصف مليار عربي

و مليار و نصف مسلم و هذا غير الكثير من غير

العرب و المسلمين من الشرفاء في العالم

من الممكن ان يقاطعو اسرائيل و يسقطوها

في ايام قليله كيف يفرض 6مليون صهيونى

أرادتهم على أكثر من مليار إنسان

مما يعني ان الصهيونى الواحد

يفرض ارادته على أكثر من 200

مواطن عربى و مسلم

علينا ان نغير فلسفتنا في الحياه

فلسطين ستتحرر اذا صرنا نحن احرار

لكن ما دمنا تحت تهديد القمع و سيطرة

الصوت الواحد و انتشار الفساد

و عدم الشفافية في العالم العربي و الاسلامى

سيظل حال فلسطين كحالنا

و في الختام مهما حصل

لن تضيع فلسطين

ــــــــــــــــــــــــــــــــــــــــــــــــــــــــــــــــــــــــــــــــــ

تحية للشهداء

في هذا اليوم ايضا علينا ان

لا ننسي الشهداء الذين ضحوا

بارواحهم علي تراب فلسطين

في عام 1948

و أتذكر منهم فى مصر قائد مجموعة

المتطوعين في جيش الإنقاذ

البطل أحمد عبد العزيز

و أرجوا ان نتذكر شهادائنا

بم يستحقوه و ان لا ننساهم

كما يحدث الان للأسف

ــــــــــــــــــــــــــــــــــــــــــ

شهيد العام 2008

مصور وكالة رويترز الفلسطينى

فضل شناعة الشاب الغزاوى

العشرينى الذي لم يحرك العالم

ساكنا لاستشهاده و هو يؤدى

عمله الاعلامى لتذبحه الدبابه الإسرائيلية

و لو كان اسمه

جون او ديفيد أو مايكل أو

سام او ادامز لكان العالم كله

وقف من أجله

لن ننساك

Comments